- ములుగు ఎమ్మెల్యే సీతక్క
కొత్తగూడ,వెలుగు : తెలంగాణలో వచ్చేది ఇందిరమ్మ రాజ్యమేనని ములుగు ఎమ్మెల్యే సీతక్క అన్నారు. మహబూబాబాద్ జిల్లా కొత్తగూడలో మంగళవారం కాంగ్రెస్ కార్యకర్తల మీటింగ్లో ఆమె మాట్లాడుతూ.. తొమ్మిదేళ్ళ పాలనలో బీఆర్ఎస్ పార్టీ ఒక్క రేషన్ కార్డు కూడా ఇవ్వలేదని విమర్శించారు. కాంగ్రెస్ అధికారంలోకి రాగానే పోడు భూములకు శాశ్వత పట్టాలు, గ్యాస్కు ఐదు వందలు, కాలేజీ స్టూడెంట్లకు ఎలక్ర్టానిక్ స్కూటీలు అందచేస్తామన్నారు. ప్రతి కార్యకర్త కాంగ్రెస్ గెలుపునకు కృషి చేయాలని కోరారు.
వేలుబెల్లి, పెగడపల్లి గ్రామాలకు చెందిన పలువురు వివిధ పార్టీల నుంచి కాంగ్రెస్లో చేరిన వారికి కండువాలు కప్పి ఆహ్వానించారు. అనంతరం ఎంపీడీవో ఆఫీస్లో లబ్ధిదారులకు కల్యాణ లక్ష్మి చెక్కులను అందించారు. ఈ కార్యక్రమంలో మండల పార్టీ అధ్యక్షుడు వజ్జ సారయ్య, ఎంపీపీ విజయారూప్సింగ్, జడ్పీటీసీ పుష్పలత,వైస్ ఎంపీపీ జంపయ్య,లీడర్లు సుంకరబోయిన మొగిలి, కారోజ్ రమేశ్, ఉల్లెంగుల రమేశ్, పాటు ఎంపీటీసీలు పాల్గొన్నారు.
