నిర్మల్, వెలుగు : నిర్మల్ సబ్ రిజిస్ట్రార్ ఆఫీసుకు మున్సిపల్ అధికారులు గురువారం తాళం వేశారు. ఆస్తిపన్ను బకాయిలు కట్టకపోవడంతో ఆఫీసుకు తాళం వేయడంతో రిజిస్ట్రేషన్ల కో సం వచ్చిన ప్రజలు ఇబ్బంది పడ్డారు.
ఇంటి పన్నుల వసూళ్ల కోసం మున్సిపల్ అధికారులు కొద్దిరోజులుగా స్పెషల్ డ్రైవ్ నిర్వహిస్తున్నారు. ఇందులో భాగంగా సబ్ రిజిస్ట్రార్ ఆఫీసు బకాయి పడిన రూ. 1. 57 లక్షలు చెల్లించాలని నోటీసు జారీ చేశారు. అయితే, సబ్ రిజిస్ట్రార్ నుంచి స్పందన లేకపోవడంతో తాళాలు వేసినట్టు చెప్తున్నారు.
