- జిల్లాలోని నియోజకవర్గాల్లో ఎమ్మెల్యే ప్రవాస్ యోజన ప్రోగ్రామ్స్
- పాల్గొన్న ఇతర రాష్ట్రాల బీజేపీ ఎమ్మెల్యేలు
- రాష్ట్రంలో పార్టీని అధికారంలోకి తేవాలని నిర్ధేశం
నిజామాబాద్అర్బన్, వెలుగు : కార్యకర్తలే బీజేపీకి బలమని, వారు వేసిన పునాదులపైనే పార్టీ మరింత బలోపేతమవుతోందని కర్నాటక రాష్ట్ర, దాసరల్లి ఎమ్మెల్యే మునిరాజ్ పేర్కొన్నారు. బీజేపీ ఎమ్మెల్యేల ప్రవాస్ యోజనలో భాగంగా నిజామాబాద్ నగరానికి వచ్చిన మునిరాజ్ అర్బన్ కార్యకర్తలతో సమావేశమయ్యారు. తెలంగాణలో అవినీతి పాలన సాగుతోందని, వచ్చే ఎన్నికల్లో బీఆర్ఎస్కు బుద్ధిచెప్పాలన్నారు. బీజేపీ రాష్ట్ర ఉపాధ్యక్షుడు యెండల లక్ష్మీనారాయణ, జిల్లా అధ్యక్షుడు బసవ లక్ష్మీనరసయ్య, రాష్ట్ర కార్యవర్గ సభ్యుడు ధన్పాల్ సూర్యనారాయణ తదితరులు పాల్గొన్నారు.
కామారెడ్డి : కార్యకర్తలు బీజేపీ సిద్ధాంతాలను ప్రజల్లోకి బలంగా తీసుకెళ్లాలని మహారాష్ట్ర, అక్కల్కోట ఎమ్మెల్యే సచిన్కల్యాణ్ శెట్టి పేర్కొన్నారు. కామారెడ్డి నియోజక వర్గంలోని పార్టీ శ్రేణులతో జిల్లా కేంద్రంలోని లక్ష్మీదేవి గార్డెన్లో నిర్వహించిన మీటింగ్ లో ఆయన మాట్లాడారు. నియోజక వర్గంలోని ఆయా మండలాల వారిగా లీడర్లతో మాట్లాడి పార్టీ పరిస్థితిపై అడిగి తెలుసుకున్నారు. ప్రతీ బూత్లో 50 మంది కార్యకర్తలను తయారు చేయాలని సూచించారు. నియోజక వర్గ ఇన్చార్జి కాటిపల్లి వెంకటరమణారెడ్డి, వరంగల్ జిల్లా ఇన్చార్జి వి.మురళీధర్గౌడ్ పాల్గొన్నారు. ఎల్లారెడ్డి నియోజకవర్గంలో కర్నాటక స్టేట్ హరిహర నియోజకవర్గ ఎమ్మెల్యే బీపీ హరీశ్వచ్చారు.
ఆర్మూర్ : బీఆర్ఎస్ ఎమ్మెల్యే జీవన్రెడ్డిని ఓడించేందుకు కంకణం కట్టుకోవాలని, బీజేపీ అభ్యర్థి గెలుపు కోసం బీజేపీ నాయకులు, కార్యకర్తలు కష్టపడి పనిచేయాలని మహారాష్ట్ర, వాణి నియోజకవర్గ బీజేపీ ఎమ్మెల్యే సంజీవ్రెడ్డి బాపు రావు పేర్కొన్నారు. ఆర్మూర్ లోని ఎంపీ అర్వింద్ ఇంట్లో పార్టీ అసెంబ్లీ కార్యకర్తలతో సమావేశమయ్యారు. లీడర్లు అల్జాపూర్ శ్రీనివాస్, పెద్దొళ్ల గంగారెడ్డి, మారంపల్లి గంగాధర్ పాల్గొన్నారు.
బోధన్ : బీజేపీ కుటుంబ పార్టీ కాదని, కార్యకర్తలే పార్టీ కుటుంబ సభ్యులని మహారాష్ట్ర, పండిపూర్ఎమ్మెల్యే సమాధాన్మహాదేవ్ఔతాడే పేర్కొన్నారు. ఎమ్మెల్యే ప్రవాస్ యోజనలో భాగంగా బోధన్ఎంపీఆర్ ఆఫీస్ కార్యకర్తలతో మాట్లాడి పార్టీ స్థితిగతులు అడిగి తెలుసుకున్నారు. బీజేపీ రాష్ట్ర కార్యవర్గ సభ్యులు మేడపాటి ప్రకాశ్రెడ్డి, వడ్డీ మోహన్రెడ్డి, అడ్లూరి శ్రీనివాస్ పాల్గొన్నారు.
ధర్పల్లి : లీడర్లు, కార్యకర్తలు కలిసికట్టుగా పనిచేస్తే తెలంగాణలో బీజేపీ విజయం సాధిస్తోందని అస్సోం, నహరకటియా ఎమ్మెల్యే తరంగ్ గగోయ్ పేర్కొన్నారు. ఆదివారం ధర్పల్లిలోని గురడికాపు సంఘంలో నిజామాబాద్ రూరల్ నియోజకవర్గ లీడర్లతో సమావేశమయ్యారు. కార్యక్రమంలో బీజేపీ రూరల్ ఇన్చార్జి దినేశ్కుమార్, బీజేపీ మండలాధ్యక్షుడు గంగారెడ్డి పాల్గొన్నారు.
మోర్తాడ్ : వచ్చే ఎన్నికల్లో బీజేపీని అత్యధిక మెజార్టీతో గెలిపించాలని కర్నాటక, నిప్పాని ఎమ్మెల్వే జోల్లే శశికళ కార్యకర్తలకు నిర్ధేశం చేశారు. ప్రవాస్ అభియాన్ కార్యక్రమంలో భాగంగా బాల్కొండ నియోజకవర్గంలోని కార్యకర్తలతో సమావేశమయ్యారు. అనంతరం ముప్కాల్ మండల కేంద్రంలో పార్టీ ఆఫీస్ను ప్రారంభించారు. కార్యక్రమంలో బీజేపీ రాష్ట్ర కార్యవర్గ సభ్యులు ఏలేటి మల్లికార్జున్ రెడ్డి, పెద్దోళ్ల గంగారెడ్డి తదితరులు పాల్గొన్నారు.
