రెండేళ్ల క్రితం ప్రముఖ డైరెక్టర్ హను రాఘవపూడి సీతారామం సినిమాతో క్లాసికల్ హిట్ ని అందుకున్నాడు. ఈ సినిమా రూ.98 కోట్లు (గ్రాస్) కలెక్ట్ చేసింది. దీంతో హను రాఘవపూడి తన నెక్స్ట్ సినిమాకి పవర్ఫుల్ కథని సిద్దం చేసుకున్నాడు. అయితే సీతారామం తర్వాత ఈసారి హను రాఘవపూడి ప్రభాస్ తో సినిమా చేస్తున్నట్లు అధికారికంగా ప్రకటించగా సినిమా పూజా కార్యక్రమాలు కూడా పూర్తయ్యాయి.
ఈ సినిమాకి తమిళ్ ప్రముఖ మ్యూజిక్ డైరెక్టర్ విశాల్ చంద్ర శేఖర్ ని కన్ఫర్మ్ చేసినట్లు చిత్ర యూనిట్ ప్రకటించింది. ఈరోజు విశాల్ చంద్రశేఖర్ పుట్టినరోజు కావడంతో ఆయనకి బర్త్ డే విషెష్ చెబుతూ పోస్టర్ ని రిలీజ్ చేశారు. అయితే గతంలో హను రాఘవపూడి డైరెక్ట్ చేసిన సీతారామం సినిమాకి కూడా విశాల్ చంద్ర శేఖర్ మ్యూజిక్ అందించాడు. ఈ సినిమా ఇటు కమర్షియల్ గా అటు మ్యూజికల్ గా బ్లాక్ బస్టర్ హిట్ అయ్యింది.
ఈ విషయం ఇలా ఉండగా ఈ సినిమాని ప్రముఖ సినీ నిర్మాణ సంస్థ మైత్రీ మూవీ మేకర్స్ దాదాపుగా రూ.400 కోట్ల బడ్జెట్ తో నిర్మిస్తోంది. ప్రస్తుతం ప్రభాస్ సలార్2, కల్కి2, ది రాజా సాబ్ తదితర చిత్రాలతో బిజీగా ఉండటంతో హను రాఘవపూడి సినిమా వచ్చే ఏడాది ఆగస్టు తర్వాత షూటింగ్ ప్రారంభం కానున్నట్లు సమాచారం.
