- వక్ఫ్ భూములు రెవెన్యూ పరిధిలో ఉండడమేంది?: అక్బరుద్దీన్
- భూ సంస్కరణలు చేయాలని డిమాండ్
హైదరాబాద్, వెలుగు: ఆపరేషన్ పోలో పేరుతో హైదరాబాద్ను దేశంలో విలీనం చేసినపుడు హైదరాబాద్లోని ముస్లింల భూములను గుంజుకున్నారని ఎంఐఎం ఫ్లోర్ లీడర్ అక్బరుద్దీన్ ఒవైసీ అన్నారు. స్వాతంత్ర్యం వచ్చినప్పటి నుంచి పేద ముస్లింలు తమ భూములను కోల్పోతూనే ఉన్నారని ఆయన ఆరోపించారు. శుక్రవారం అసెంబ్లీలో ధరణిపై చర్చ సందర్భంగా అక్బరుద్దీన్ మాట్లాడారు.
అర్బన్ ల్యాండ్ సీలింగ్ యాక్ట్, ఇనాం అబాలిషన్ యాక్ట్, జాగీర్ అబాలిషన్ యాక్ట్ వంటి చట్టాలతో పేద ముస్లింలే ఎక్కువగా భూములు కోల్పోయారని ఆయన చెప్పారు. వక్ఫ్ భూములన్నీ రెవెన్యూ పరిధిలోనే ఉండడమేందని ఆయన ప్రశ్నించారు.
‘‘మైక్రోసాఫ్ట్, విప్రో వంటి ఎంఎన్ సీలను వక్ఫ్ భూముల్లోనే కట్టారు. ఐటీ అభివృద్ధి కోసం ల్యాండ్ తీసుకుని ఐటీ డెవలప్ చేయకుండా రెసిడెన్షియల్ కాంప్లెక్సులను కట్టారు. ఎయిర్పోర్టును కూడా వక్ఫ్ భూముల్లోనే నిర్మించారు. ధరణి కమిటీ దాదాపు 123 సమస్యలను ధరణి వెబ్సైట్లో గుర్తించింది. తెలంగాణ హైకోర్టు కూడా ధరణిలోని లోపాలను ఎత్తి చూపింది. భూ సంస్కరణలు చేయాల్సిన అవసరం ఉంది” అని అక్బరుద్దీన్ చెప్పారు.
హైదరాబాద్ అభివృద్ధికి కృషిచేయాలి
హైదరాబాద్నగర సమగ్రాభివృద్ధికి రాష్ట్ర ప్రభుత్వం కృషిచేయాలని, ఇందుకోసం మౌలిక వసతులను అభివృద్ధి చేయాలని ఎమ్మెల్యే అక్బరుద్దీన్ ఒవైసీ ప్రభుత్వానికి సూచించారు. ప్రజారవాణాను మెరుగుపరచడం, ప్రైవేట్ రవాణాను తగ్గించడం, సోలార్, విండ్పవర్వాడకాన్ని పెంచడం ద్వారా కాలుష్యాన్ని తగ్గించాలని కోరారు. శుక్రవారం అసెంబ్లీలో హైడ్రా బిల్లుపై జరిగిన స్వల్ప చర్చలో ఎమ్మెల్యే అక్బరుద్దీన్ మాట్లాడారు.
నగరంలో కేవలం 2 వేల బస్సులే అందుబాటులో ఉన్నాయని, వీటి సంఖ్య పెంచాల్సిన అవసరం ఉందని అన్నారు. వాటర్మేనేజ్మెంట్, రెయిన్వాటర్హార్వెస్టింగ్ద్వారా నీటిఎద్దడి తీర్చాలని, చెట్ల పెంపకం ద్వారా గ్రీన్జోన్ పెంచాలని సూచించారు.
