కోల్బెల్ట్, వెలుగు: ముస్లింలు మతసామరస్యాన్ని చాటుకున్నారు. అయ్యప్ప మాలలు ధరించిన స్వాములకు అన్నదానం(బిక్ష) కార్యక్రమం నిర్వహించారు. ముస్లిం మైనార్టీ వెల్ఫేర్ సొసైటీ ప్రెసిడెంట్, కాంగ్రెస్ లీడర్ ఎండీ అబ్దుల్అజీజ్ఆధ్వర్యంలో రామకృష్ణాపూర్ కోదండరామాలయంలో శనివారం అన్నదానం చేశారు.
ఈ సందర్భంగా ఆయన మాట్లాడుతూ.. ప్రతి ఏటా అన్నదానం నిర్వహిస్తున్నామని.. హిందూ, ముస్లీంలు మధ్య సోదరభావం పెంపొందించేందుకు కృషి చేస్తున్నట్లు చెప్పారు. మైనార్టీ కమిటీ మెంబర్లు నజీరోద్దిన్, ఖాజా, షఫీ, పాషా, గౌస్, మెరాజ్, అంకుష్, ఇమామ్, స్థానిక కాంగ్రెస్ లీడర్లు పాల్గొన్నారు.
