సికింద్రాబాద్, వెలుగు : సికింద్రాబాద్ కుమ్మరిగూడలోని ముత్యాలమ్మ ఆలయంలో అమ్మవారి విగ్రహాన్ని బుధవారం తిరిగి ప్రతిష్ఠించనున్నారు. ఈ కార్యక్రమానికి దేవాదాయశాఖ మంత్రి కొండా సురేఖ, బీసీ సంక్షేమ శాఖ మంత్రి పొన్నం ప్రభాకర్ హాజరుకానున్నట్లు అధికారులు వెల్లడించారు. ఉదయం 8.33 గంటలకు వేద పండితుల మంత్రోచ్ఛరణల నడుమ అమ్మవారి విగ్రహ ప్రతిష్ఠ ఉంటుందన్నారు.
కేంద్ర మంత్రి జి.కిషన్రెడ్డి, ఎంపీ అనిల్ కుమార్ యాదవ్, మేయర్గద్వాల్ విజయలక్ష్మి, స్థానిక కార్పొరేటర్కొంతం దీపిక ప్రత్యేక పూజల్లో పాల్గొంటారని తెలిపారు. పున:ప్రతిష్ఠలో భాగంగా మంగళవారం ఆలయంలో ప్రత్యేక పూజలు నిర్వహించారు.
