- ఎంవీఐ శంకర్ నారాయణ
సిద్దిపేట, వెలుగు: రోడ్డు భద్రత మనందరి బాధ్యత అని శంకర్ నారాయణ అన్నారు. జాతీయ రోడ్డు భద్రతా మాసోత్సవాల్లో భాగంగా గురువారం జిల్లా కేంద్రంలోని క్రాంతి హై స్కూల్ లో స్టూడెంట్స్కు రోడ్డు నిబంధనలపై అవగాహన కల్పించారు. ప్రతి ఒక్కరూ రోడ్డు నిబంధనలు పాటించినప్పుడే ప్రమాదాలను అరికట్టవచ్చన్నారు. 18 ఏళ్లు నిండిన వారందరూ లైసెన్స్ తీసుకోవాలని సూచించారు.
మద్యం తాగి వాహనాలు నడపకూడదని, బైక్నడిపేవారు హెల్మెట్, కారు నడిపేవారు విధిగా సీటు బెల్టును పెట్టుకోవాలన్నారు. నిబంధనలకు విరుద్ధంగా వాహనాలు నడిపితే చర్యలు తప్పవని హెచ్చరించారు. కార్యక్రమంలో అసిస్టెంట్ మోటార్ వెహికల్ ఇన్స్పెక్టర్నేహా, శ్రీకాంత్ రెడ్డి, స్కూల్చైర్మన్ అర్పితా రెడ్డి, కరస్పాండెంట్ భగవాన్ రెడ్డి, ప్రిన్సిపాల్ కుమార్ స్వామి, టీచర్లు, స్టూడెంట్స్ పాల్గొన్నారు.
