-
ఈ విషయంలో కోర్టుకు వెళ్తా..
-
హుజురాబాద్ ఎమ్మెల్యే పాడి కౌశిక్ రెడ్డి
కరీంనగర్: ప్రభుత్వ ఆఫీసర్ల ఫోన్లతో పాటు, తన ఫోన్ను ప్రభుత్వం ట్యాప్ చేస్తుందని హుజురాబాద్ఎమ్మెల్యే పాడి కౌశిక్రెడ్డి ఆరోపించారు. ఇవాళ జమ్మికుంట టౌన్ లో మున్సిపల్ ఛైర్మన్ రాజేశ్వర్ రావు ఇంట్లో ఏర్పాటు చేసిన ప్రెస్ మీట్లో ఆయన మాట్లాడారు. . రాష్ట్రంలో ప్రతి ఎమ్మెల్యే. ఎమ్మెల్సీ, ఎంపీల ఫోన్లు ట్యాపింగ్ జరుగుతుందన్నారు. దీనిపై తాము కోర్టుకు వెళ్తామన్నారు.
కేంద్ర హోం సహాయక శాఖ మంత్రి పార్లమెంట్ పరిధిలో సీపీ ఫోన్ ట్యాపింగ్ జరిగితే ఎందుకు స్పందించడం లేదన్నారు. మేము ఎక్కడికి వెళ్లిన వారికి సమాచారం అందుతోంది. మా వ్యక్తిగత సమాచారం ఎలా వస్తుంది..? సీపీ టేలీ కాన్ఫరెన్స్ పెట్టుకోవడం పర్సనల్ విషయం. ఈ విషయం కాంగ్రెస్ ఎమ్మెల్యేకు ముందుగానే ఎలా తెలుస్తుంది.
సీపీ ఫోన్ కూడా ట్యాప్ అవుతోంది. మా ఫోన్లను చేయరని గ్యారంటీ ఏమిటి ?పోలీస్ యంత్రాంగం ఒక సెక్యూరిటీ వింగ్ . ప్రజల సేఫ్టివింగ్, అలాంటి పోలీస్‌ల ఫోన్లను ట్యాప్ చేయడం సిగ్గు చేటు. ట్యాపింగ్ మీరు చేస్తే సంసారం, మేము చేస్తే వ్యభిచారమా? ఏకకాలంలో రుణమాఫీ చేస్తామని చెప్పి.. సీఎం కేవలం రాష్ట్రంలో40 శాతం మంది రైతులకు రుణమాఫీ చేశారని కౌశిక్ రెడ్డి మండిపడ్డారు.
