- లీజు రద్దు చేస్తేనే ఓట్లేస్తాం
అచ్చంపేట, వెలుగు: మైనింగ్ లీజు రద్దు చేస్తేనే పార్లమెంట్ ఎన్నికల్లో ఓట్లేస్తామని బల్మూర్ మండలం మైలారం గ్రామస్తులు ఏకగ్రీవ తీర్మానం చేశారు. గ్రామ సమీపంలోని గుట్టలో తవ్వకాలకు 2017లో మైనింగ్ అధికారులు పర్మిషన్ ఇచ్చారు. గ్రామ పంచాయతీ సభ్యులు, గ్రామస్తుల సమక్షంలో గ్రామసభ నిర్వహించినట్లు ఫోర్జరీ సంతకాలతో తీర్మానం ఇచ్చారని గ్రామస్తులు ఆరోపించారు.
మైనింగ్ పర్మిషన్ రద్దు చేస్తేనే పార్లమెంట్ ఎన్నికల్లో ఓట్లు వేస్తామని గ్రామస్తులు గ్రామంలో ఫ్లెక్సీలు వేశారు. గ్రామానికి ముప్పు చేసే మైనింగ్ పర్మిషన్ను రద్దు చేయాలని డిమాండ్ చేశారు. శ్రీశైలం, వెకటేశ్వర్లు, విజయ భాస్కర్, సత్యంగౌడ్, నిరంజన్, శ్రీనువాసులు, వెంకటేశ్, వెంకటయ్య, బక్కమ్మ, సైదులు, వెంకటేశ్ గౌడ్, లింగయ్య, కృష్ణా రెడ్డి, రవీందర్రెడ్డి పాల్గొన్నారు.
