గ్లోబల్ స్టార్ రామ్ చరణ్ (Ram Charan) హీరోగా వస్తున్న లేటెస్ట్ మూవీ గేమ్ ఛేంజర్ (Game Changer). స్టార్ డైరెక్టర్ శంకర్ (Shankar) తెరకెక్కిస్తున్న ఈ సినిమాలో బాలీవుడ్ బ్యూటీ కియారా అద్వానీ (Kiara advani) హీరోయిన్గా నటిస్తున్నారు. ఈ మూవీ 2025 జ‌న‌వ‌రి 10న సంక్రాంతి కానుక‌గా ప్రేక్ష‌కుల ముందుకు రానుంది.
ఈ నేపథ్యంలో మేకర్స్ వరుస అప్డేట్స్ ఇవ్వడానికి రెడీ అయ్యారు. ఇప్పటికే ఈ సినిమా నుంచి రెండు సాంగ్స్, టీజర్ విడుదల చేయగా భారీ రెస్పాన్స్ వచ్చింది. దాంతో మెగా ఫ్యాన్స్ ర్యాపోని కంటిన్యూ చేయడానికి మ్యూజిక్ డైరెక్టర్ తమన్ థ‌ర్డ్ సింగిల్ రిలీజ్పై ఇంట్రెస్టింగ్ అప్డేట్ ఇచ్చారు. మెలోడీ సాంగ్ తీసుకొని వస్తున్నామంటూ ఓ వీడియో రిలీజ్ చేశారు. ఈ వీడియోలో టాలెంటెడ్ సింగర్స్ కార్తీక్, శ్రేయా ఘోషల్ మెలోడీని పాడి అదిరిపోయే ట్యూన్ తో వస్తున్నామంటూ కన్ఫమ్ చేసేసారు.
"నానా హైరానా.. ప్రియమైన హైరానా.. మొదలాయే నాలోన లలనా నీవలన.. నానా హైరానా.. అదురైనా హైరానా.. నెమలికలు పులకింతై నా చెంపలు నిమిరేనా.." అంటూ ఈ బ్యూటీఫుల్ సింగర్స్ పాడిన చిన్న బిట్ ఆకట్టుకుంటోంది. గీత రచయిత రామజోగయ్య శాస్త్రీ అందించిన ఈ మెలోడీ సాంగ్ గురువారం (నవంబర్ 28న) రిలీజ్ కానుంది. ప్రస్తుతం ఈ వీడియో సోషల్ మీడియాలో వైరల్ అవుతోంది.
ఇక ఇంతటి క్రేజీ ట్యూన్ విన్నాక.. ఫ్యాన్స్ కు, శ్రోతలకు చెప్పేదేముంది. ఎదురుచూపే అని చెప్పాలి. ఎందుకంటే, రామ్ చరణ్ నుంచి ఒక పర్ఫెక్ట్ మెలోడీ వచ్చి చాలా కాలం అయింది. దీంతో గేమ్ ఛేంజర్ థ‌ర్డ్ సింగిల్పై ఆసక్తి పెరిగిపోయింది.
#NaanaaHyraanaa 🎶🎵⭐️#GameChangerThirdSingle
— thaman S (@MusicThaman) November 26, 2024
From NOV 28 th 🩵❤️ pic.twitter.com/sYGtObsmsk
