అక్కినేని నాగ చైతన్య, సహజ నటి సాయి పల్లవి జంటగా నటించిన లవ్ స్టోరీ కమ్ దేశభక్తి మూవీ తండేల్. ఈ మూవీ శుక్రవారం (ఫిబ్రవరి 7న) ప్రపంచవ్యాపంగా విడుదల కానుంది. ఇటీవలే రిలీజ్ చేసిన సాంగ్స్ వంద మిలియన్ల వ్యూస్తో దూసుకెళ్తున్నాయి. టీజర్, ట్రైలర్ విజవల్స్ సినిమాపై అంచనాలు పెంచేశాయి. ఈ నేపథ్యంలో మూవీ సెన్సార్ నుంచి క్రేజీ అప్డేట్ వినిపిస్తోంది.
తండేల్ సెన్సార్ రివ్యూ:
లేటెస్ట్ అప్డేట్ ప్రకారం.. తండేల్ సినిమా తెలుగు సెన్సార్ పూర్తయింది. సినిమా నిడివి 2 గంటల 32 నిమిషాలు. సెన్సార్ సభ్యులు ఈ సినిమా చూసి ఫిదా అయ్యారట. సినిమా స్టార్టింగ్ దగ్గర నుండి ఎండింగ్ వరకు అదిరిపోయిందట. దాంతో ఒక మంచి క్లాసిక్ లవ్ స్టోరీ, దేశభక్తి కాన్సెప్ట్తో రూపొందించిన తండేల్ చిత్ర బృందాన్ని సెన్సార్ బోర్డ్ అధికారులు ప్రశంసించారు.
ఎలాంటి కట్స్ లేకుండా తండేల్ సినిమా U/A సర్టిఫికేట్‌తో థియేటర్లోకి రానుందట. ఇండియా వర్సెస్ పాకిస్థాన్ దేశభక్తి నేపథ్యంలో సాగే ప్రేమకథ బాగా వర్కవుట్ అయినట్లు సెన్సార్ బృందం చెప్పినట్లు టాక్. కార్తికేయ 2 తర్వాత దర్శకుడు చందూ మొండేటి.. ఈ సినిమాతో మరో బ్లాక్ బస్టర్ అందించడం పక్కా అని చెబుతున్నారు సెన్సార్ బృందం.
ALSO READ | Thriller OTT Review: ప‌రువు హ‌త్య‌ల కాన్సెప్ట్తో.. ఓటీటీలోకి తెలుగు డ్రామా థ్రిల్ల‌ర్.. ఎక్కడ చూడాలంటే?
ఇకపోతే.. తండేల్ సినిమాకు ఫస్ట్ డే టాక్ మంచిగా ఉంటే.. ఓపెనింగ్ కలెక్షన్లు అదిరిపోయే ఛాన్స్ ఉంది. దానికి తోడు నాగచైతన్య యాక్టింగ్, సాయిపల్లవి, చై మధ్య కెమెస్ట్రీ, పాపులర్ అయిన సాంగ్స్, తండేల్‍కు చందూ మొండేటి దర్శకుడు ఇలా ప్రతిదీ ప్లస్ పాయింట్‍గా నిలిచాయి.
తండేల్ నిజజీవిత కథ:
2018లో శ్రీకాకుళానికి చెందిన మత్య్సకారులు గుజరాత్‍లో చేపల వేటకు దిగి అనుకోకుండా సముద్రంలో పాకిస్థాన్ హద్దులకు వెళ్లారు. అక్కడ పాక్ సైన్యానికి పట్టుబడ్డారు. పాక్ జైలులో కొన్ని నెలల పాటు చిత్ర హింసలు అనుభవించారు. ఆ తర్వాత మళ్లీ భారత్‍కు చేరారు. వారిలో మత్స్యకారుడు రాజు కూడా ఒకరు. అతడి నిజ జీవిత కథ ఆధారంగానే తండేల్ చిత్రం రూపొందింది.
