డిఫరెంట్ స్ర్కిప్ట్‌‌లను సెలెక్ట్ చేసుకుంటూ బ్యాక్ టు బ్యాక్ సినిమాలు చేస్తున్నాడు నాగ చైతన్య. శనివారం ఆయన పుట్టినరోజు. ఈ సందర్భంగా తను నటిస్తున్న ‘తండేల్’ చిత్రం నుంచి కొత్త పోస్టర్‌‌‌‌తో విషెస్ చెప్పింది టీమ్. అలాగే నాగ చైతన్య కొత్త సినిమాకు సంబంధించిన అప్‌‌డేట్‌‌ను తెలియజేశారు. చందు మొండేటి రూపొందిస్తున్న ‘తండేల్’ చిత్రం నుంచి నాగ చైతన్యకి బర్త్‌‌డే విషెస్ తెలియజేస్తూ..
పవర్ ప్యాక్డ్ యాక్షన్ పోస్టర్ను రిలీజ్ చేశారు. లాంగ్ హెయిర్, మ్యాసీ గడ్డంతో రగ్గడ్‌‌గా ఇంటెన్స్ లుక్‌‌లో ఇంప్రెస్ చేస్తున్నాడు చైతూ. ఇందులో జాలరి రాజు పాత్రలో కనిపించనున్నాడు. సాయి పల్లవి హీరోయిన్‌‌గా నటిస్తోంది. అల్లు అరవింద్ సమర్పణలో బన్నీ వాస్ నిర్మిస్తున్న ఈ సినిమా ఫిబ్రవరి 7న విడుదల కానుంది. మరోవైపు చైతు హీరోగా ‘విరూపాక్ష’ దర్శకుడు కార్తీక్ దండుతో కొత్త చిత్రాన్ని ప్రకటించారు.
పుట్టినరోజు సందర్భంగా ఆసక్తికరమైన ఫస్ట్ లుక్ పోస్టర్ను కూడా విడుదల చేశారు. సుకుమార్‌ రైటింగ్స్‌‌తో కలిసి బీవీఎస్ఎన్ ప్రసాద్ నిర్మించనున్నారు. డిసెంబర్‌‌‌‌లో రెగ్యులర్ షూటింగ్ స్టార్ట్ చేయనున్నట్టు తెలియజేశారు. నాగ చైతన్యకి ఇది 24వ చిత్రం. శ్యామ్ దత్ సినిమాటోగ్రాఫర్‌‌‌‌గా, నవీన్ నూలి ఎడిటర్‌‌‌‌గా, నాగేంద్ర ఆర్ట్ డైరెక్టర్‌‌‌‌గా, అజనీష్ లోక్‌‌నాథ్ మ్యూజిక్‌ డైరెక్టర్‌‌‌‌గా వర్క్ చేయనున్నారు. ఇతర నటీనటుల వివరాలను త్వరలోనే వెల్లడిస్తామన్నారు.
