Naga chaitanya birthday special: టాలీవుడ్ స్టార్ హీరో అక్కినేని నాగ చైతన్య జోష్ సినిమాతో ఇండస్ట్రీకి హీరోగా పరిచయం అయ్యాడు. ఆ తర్వాత ఏ మాయ చేశావే, మనం, ఒక లైలా కోసం, ప్రేమమ్, మజిలీ, బంగార్రాజు, వంటి సినిమాలతో క్లాస్ హిట్స్ అందుకున్నాడు. అయితే మధ్యమధ్యలో ఇతర సినిమాలు చేసినప్పటికీ పెద్దగా ఆకట్టుకోలేదు. కానీ కెరీర్ ని మాత్రం చాలా బ్యాలెన్స్ గ ప్లాన్ చేస్తున్నాడు నాగ చైతన్య.
అయితే శనివారం అక్కినేని నాగ చైతన్య పుట్టినరోజు కావడంతో ఫ్యాన్స్ సోషల్ మీడియా ద్వారా విషెస్ తెలియజేస్తున్నారు.అలాగే నాగ చైతన్య చిన్నప్పటి ఫోటోలను సోషల్ మీడియాలో వైరల్ చేస్తున్నారు. ఇందులో నాగ చైతన్య తన మేనమామ హీరో విక్టరీ వెంకటేష్ తో చిన్నప్పుడు దిగిన ఫోటోలు తెగ వైరల్ అవుతున్నాయి. దీంతో కొందరు నెటిజన్లు మామకితగ్గ అల్లుడు అంటూ కామెంట్లు చేస్తున్నారు.
ALSO READ | RC17: రామ్ చరణ్ కోసం టాలెంటెడ్ బ్యూటీని రంగంలోకి దింపుతున్న డైరెక్టర్ సుకుమార్!
ఇక నాగచైతన్య ప్రజెంట్ సినిమాల విషయానికొస్తే ప్రస్తుతం "తండేల్" అనే సినిమాలో హీరోగా నటిస్తున్నాడు. ఈ సినిమాలో హీరోయిన్ గా సాయి పల్లవి నటిస్తుండగా ప్రముఖ డైరెక్టర్ చందూ మొండేటి దర్శకత్వం వహిస్తున్నాడు. నవంబర్ 21న తండేల్ సినిమాలోని "బుజ్జితల్లి సాంగ్" రిలీజ్ కాగా మంచి రెస్పాన్స్ వచ్చింది.
అయితే ఈ సినిమా డిసెంబర్ నెలలో రిలీజ్ కావాల్సి ఉండగా షూటింగ్ పనులు పూర్తీకాకపోవడంతో వచ్చే ఏడాది ఫిబ్రవరి 7కి వాయిదా పడింది. అలాగే విరూపాక్ష డైరెక్టర్ 'కార్తిక్ దండు'తో మైథికల్ థ్రిల్లర్తో రానున్నాడు చై. తాజాగా ఇవాళ (నవంబర్ 23న) బర్త్ డే స్పెషల్గా ఈ క్రేజీ ప్రాజెక్ట్ (NC24) అనౌన్స్ చేశారు మేకర్స్.
అయితే నాగ చైతన్య పర్సనల్ లైఫ్ విషయానికొస్తే... టాలీవుడ్ ప్రముఖ హీరోయిన్ శోభిత ధూళిపాళ ని వివాహం చేసుకోబోతున్నాడు. ఇప్పటికే ఎంగేజ్మెంట్ కాగా డిసెంబర్ 4న అన్నపూర్ణ స్టూడియోస్ లో వీరిద్దరి వివాహం ఘనంగా చేసేందుకు ఏర్పాట్లు జరుగుతున్నాయి.
