నాగర్ కర్నూల్, వెలుగు : మెడికల్ కాలేజీల్లో స్టాఫ్ 50 మంది ఉండాల్సింది కేవలం ఐదారు గురితో నెట్టుకొస్తున్నారని మాజీ మంత్రి నాగం జనార్ధన్ రెడ్డి విమర్శించారు. జిల్లా కేంద్రంలోని తన నివాసంలో గురువారం ఆయన మీడియాతో మాట్లాడారు. రాష్ట్రంలో మెడికల్ కాలేజీలను ఏర్పాటు చేశామని మంత్రి హరీశ్ రావు ఊదరగొడుతున్నారని, కానీ సరైన స్టాఫ్ ను మాత్రం నియమించడం లేదన్నారు.
మెడికల్కాలేజీల్లో ప్రొఫెసర్లు,అసిస్టెంట్ ప్రొఫెసర్లు,హెచ్ఓడీలను నియమించకుండా.. కమీషన్ల కోసం బిల్డింగులు కడుతున్నారని ఎద్దేవా చేశారు. లోపాలను ఎత్తిచూపితే.. బీఆర్ఎస్ మంత్రులు చివరికి గవర్నర్ను విమర్శించడం సిగ్గుచేటని అన్నారు. ఈ సమావేశంలో శశిధర్ రెడ్డి, రవి, బాలాగౌడ్ ఉన్నారు.
