Nagarjuna: టాలీవుడ్ ఇండస్ట్రీలో సంపన్నమైన హీరోల్లో కింగ్ నాగార్జున ఒకరు. నాగార్జున ప్రముఖ స్వర్గీయ నటుడు సీనియర్ హీరో అక్కినేని నాగేశ్వరరావు నట వారసుడిగా ఇండస్ట్రీ కి పరిచయం అయ్యాడు. ఈ క్రమంలో తండ్రికితగ్గ తనయుడిగా గుర్తింపు తెచ్చుకుని వరుస సినిమాలు చేస్తూ ఆడియన్స్ ని అలరిస్తున్నాడు.
అయితే హీరో నాగార్జున కొత్తకారు కొన్నాడు. దీంతో రిజిస్ట్రేషన్ కోసం గురువారం హైదరాబాద్ లోని ఖైరతాబాద్ ఆర్టీవో ఆఫిస్ కి వచ్చాడు. అయితే ఈ కారు వివివరాలను చూసినట్లయితే ప్రముఖ కార్ల ఉత్పత్తి సంస్థ అయిన లెక్సస్ కంపెనీకి చెందిన ఎల్.ఎమ్ హైబ్రిడ్ ఎలెక్ట్రిక్ టాప్ మోడల్ గా ఉన్నట్లు తెలుస్తోంది.
ALSO READ | Allu Arjun: నేను, నా ఫ్యాన్స్ తగ్గేదేలే.. ఇకపై విరామం లేకుండా సినిమాలు చేస్తా
ధర సుమారు రూ.2.65 కోట్లు (ఆన్ రోడ్ ధర) పైచిలుకు ఉంది. ఫీచర్ల విషయానికొస్తే గంటకి 190 కిలోమీటర్ల వేగంతో వెళుతుంది. అలాగే కేవలం 8.7 సెకెన్లలోనే 0-100 కిమీ వేగాన్ని అందుకుంటుంది. వీటితోపాటూ స్టైలిష్ ఇంటీరిరియర్స్, లగ్జరీ కంఫర్ట్ ఉన్న సీట్లు ఉన్నాయి. ఇండియాలో ఈ కారుని కేవలం సెలెబ్రెటీలు మాత్రమే వినియోగిస్తున్నారు.
అయితే హీరో నాగార్జున ఇంట్లో త్వరలోనే పెళ్లి భాజాలు మోగనున్నాయి. హీరో నాగ చైతన్య-శోభిత ధూళిపాళ పెళ్లి డిసెంబర్ 04న గ్రాండ్ గా జరగబోతోంది. దీంతో నాగ చైతన్య పెళ్ళికి గిఫ్ట్ గా ఇచ్చేందుకు నాగార్జున ఈ కాస్ట్ లీ కారు కొన్నట్లు సమాచారం.
ఈ విషయం ఇలా ఉండగా ప్రస్తుతం నాగార్జున తెలుగులో కుబేర అనే సినిమాలో హీరోగా నటిస్తున్నాడు. ఈ సినిమాలో తమిళ్ హీరో ధనుష్ కూడా నాగార్జున తో స్క్రీన్ షేర్ చేసుకుంటున్నాడు. ప్రముఖ డైరెక్టర్ శేఖర్ కమ్ముల దర్శకత్వం వహిస్తుండగా నేషనల్ క్రష్ రష్మిక మందాన హీరోయిన్ గా నటిస్తోంది. ఇటీవలే ఈ సినిమా గ్లింప్స్ రిలీజ్ కాగా మంచి రెస్పాన్స్ వచ్చింది.
