మహబూబ్ నగర్ టౌన్ , వెలుగు: బీజేపీ కుల, మత వర్గాల పేరుతో విచ్చిన్నం చేస్తున్న ఈ టైంలో ప్రజాస్వామ్య పరిరక్షణ కోసం ఇండియా కూటమిని గెలిపించే దిశగా ఐక్యం కావాలని నాగర్కర్నూల్ కాంగ్రెస్ ఎంపీ అభ్యర్థి చల్లా వంశీచంద్ రెడ్డి పిలుపునిచ్చారు. శుక్రవారం సీపీఎం జిల్లా ఆఫీసులో ఆ పార్టీ లీడర్లతో నాయకులతో సమావేశమయ్యారు. పాలమూరు అభివృద్ధి కోసం, తమకు మద్దతునివ్వాలని కోరారు. ఈ సమావేశంలో సీపీఎం రాష్ట్ర కార్యవర్గ సభ్యులు జాన్ వెస్లీ, కిల్లె గోపాల్, జిల్లా కార్యదర్శి లు, వెంకట్రాములు, జబ్బార్, కురుమూర్తి పాల్గొన్నారు.
అలంపూర్,వెలుగు: జోగులాంబ బాల బ్రహ్మేశ్వర స్వామి ఆలయాలను శుక్రవారం మహబూబ్నగర్ కాంగ్రెస్ ఎంపీ అభ్యర్థి చల్లా వంశీచందర్ రెడ్డి కుటుంబ సమేతంగా దర్శించుకున్నారు. వీరికి అర్చకులు స్వాగతం పలికారు. గణపతి పూజ బాల బ్రహ్మేశ్వర స్వామి లో ప్రత్యేక పూజలు జోగులాంబ అమ్మవారి ఆలయంలో కుంకుమార్చనలు నిర్వహించారు.
