- నాగర్కర్నూల్ కాంగ్రెస్ ఎంపీ క్యాండిడేట్ మల్లు రవి
జడ్చర్ల టౌన్, వెలుగు : నాగర్కర్నూల్ ఎంపీగా తనను గెలిపిస్తే పాలమూరు–రంగారెడ్డి ప్రాజెక్ట్ జాతీయ హోదా కోసం కొట్లాడతానని నాగర్కర్నూల్ ఎంపీ క్యాండిడేట్ మల్లురవి తెలిపారు. సోమవారం జడ్చర్లలో మీడియాతో మాట్లాడుతూ పాలమూరు–రంగారెడ్డికి జాతీయ హోదాతో పాటు జిల్లాలో భీమా, నెట్టెంపాడు, కల్వకుర్తి ప్రాజెక్టుల్లో మిగిలిన 10శాతం పనులను పూర్తి చేయిస్తానని హామీ ఇచ్చారు.
అలంపూర్, కొల్లాపూర్, నాగర్ కర్నూల్, అచ్చంపేటమీదుగా హైవే నిర్మించి, నల్గొండ హైవేకు లింక్ చేయాలని ఇప్పటికే కేంద్ర మంత్రి నితిన్ గడ్కరీని కోరినట్లు చెప్పారు. కృష్ణా నది పరివాహక ప్రాంతం ఉన్న దృష్ట్యా, ఇక్కడికి నీటిపై ఆధారపడే పరిశ్రమలను తీసుకువస్తానని తెలిపారు.
