ప్రస్తుతం ఇండియా వ్యాప్తంగా సినిమా ప్రేమికులు మలయాళం సినిమాల మీద విపరీతమైన క్రేజీ పెంచుకున్నారు. గతంతో పోలిస్తే ఓటీటీ ఫ్లాట్ఫామ్స్లో రిలీజ్ అయ్యే మలయాళ సినిమాలకు ఇంకా వ్యూస్ బాగా పెరుగుతున్నాయి.ముఖ్యంగా కరోనా టైం నుంచి ఓటీటీలో మలయాళ సినిమాకు చాలా అంటే చాలా డిమాండ్ పెరిగింది.
ఇంతకు ముందు ఎవరూ పెద్దగా పట్టించుకోని మలయాళ సినిమాలను అక్కడి డైరెక్టర్స్,యాక్టర్స్ టాలెంట్, క్రియేటివిటీ, డిఫరెంట్ కథలు మెయిన్ స్ట్రీమ్కి తీసుకొచ్చాయి.మలయాళ సినిమాలకి డిమాండ్ పెరిగేలా చేశాయి.అక్కడి యాక్టర్స్,డైరెక్టర్స్కి అవకాశాలను తెచ్చిపెట్టాయి.
ఇంతకీ ఇప్పుడు మాట్లాడుకోబోయే మలయాళం సినిమా ఏంటనే కదా డౌట్. అదేనండీ..'నాగేంద్రన్స్ హనీమూన్'(Nagendran's Honeymoons)వెబ్ సిరీస్.ఇంతకీ ఈ వెబ్ సిరీస్ లో అంతలా చెప్పుకోవడానికి ఏముందని అనుకుంటున్నారా? సినిమా ప్లాట్ తెలిస్తేనే ఇంట్రెస్ట్ పెరుగుతుంది.
వివరాల్లోకి వెళితే..కసాబా మరియు కావల్ ఫేమ్ దర్శకుడు నితిన్ రెంజీ పనికర్ తెరెకెక్కించిన కొత్త వెబ్ సిరీస్ 'నాగేంద్రన్స్ హనీమూన్'. ఈ సిరీస్ లో నేషనల్ అవార్డ్ విన్నర్ సూరజ్ వెంజరమూడ్ ప్రధాన పాత్రలో నటిస్తున్నాడు. సూరజ్ వెంజరమూడ్ తో పాటు గ్రేస్ ఆంటోని, కని కుశృతి, శ్వేత మీనన్, ఆల్ఫీ పంజికరణ్ మరియు నిరంజన అనూప్ నటిస్తున్నారు. ఈ మలయాళ వెబ్ సిరీస్ నాగేంద్రన్స్ హనీమూన్. టైటిల్ గురించి సింపుల్ గా చెప్పాలంటే..1 జీవితం 5 గురు భార్యలు అనేది ఉపశీర్షిక.
స్ట్రీమింగ్ వివరాలు..
ఐదుగురు భార్యలతో భర్త హనీమూన్‌కు వెళ్లడం అనే కాన్సెప్టుతో డార్క్ కామెడీగా తెరకెక్కిన ఈ వెబ్ సిరీస్ మళయాళంతో పాటు తెలుగు, తమిళ భాషల్లోనూ స్ట్రీమింగ్ కానుంది. అందుకు ప్రముఖ ప్రముఖ ఓటీటీ ప్లాట్ ఫామ్ డిస్నీ ప్లస్ హాట్‌స్టార్‌లో ఆగస్ట్ 17 నుంచి స్ట్రీమింగ్ కి రానుంది. ఇక ఆలస్యం ఎందుకు..మలయాళం సినిమాలు, వెబ్ సిరీసులను ఆస్వాదించే తెలుగు ఆడియన్స్ కి పండుగనే చెప్పుకోవాలి.
నాగేంద్రన్స్ హనీమూన్ టీజర్:
ఐదుగురు భార్యలతో భర్త హనీమూన్‌కు వెళ్లడం అనే కాన్సెప్టుతో డార్క్ కామెడీగా ఈ వెబ్ సిరీస్ టీజర్ చూస్తే అర్ధమవుతుంది. విలేజ్‌లో ఉండటానికి ఏ మాత్రం ఇష్టపడని ఓ వ్యక్తి ఎలాగైనా ఫారెన్ కు వెళ్లేందుకు శతవిధాలుగా ట్రై చేస్తుంటాడు. ఇలాంటి సందర్భంలో అతని ఫ్రెండ్ ఇచ్చిన సలహా మేరకు ఏదో పెద్ద నిర్ణయం తీసుకున్నట్లు చూపెట్టారు. కట్ చేస్తే అతనికి ఐదుగురు అమ్మాయిలతో పెళ్లి కావడం..నువ్ కూడా మీ నాన్న లాగే తయారు అవుతున్నావ్ అంటూ వాళ్ళ అమ్మ వారించడం వంటి డైలాగ్ ఈ సిరీస్ పై ఆసక్తి కలిగిస్తుంది.
