నల్గొండ జిల్లాలో ఘోర రోడ్డు ప్రమాదం జరిగింది. నార్కెట్ పల్లి మండలం ఏపీ లింగోటం జాతీయ రహదారిపై దగ్గర హైదరాబాద్ నుంచి విజయవాడ రూట్ లో తెల్లవారుజామున ఆగి ఉన్న లారీని విజయవాడ రాజధాని డిలక్స్ ఆర్టీసీ బస్సు ఢీకొంది. ఈ ప్రమాదంలో డ్రైవర్ అక్కడికక్కడే మృతి చెందారు. మరో ఎనిమిది మందికి గాయాలయ్యాయి.
క్షతగాత్రులను సమీపంలోని కామినేని ఆసుపత్రికి తరలించారు. ప్రమాద సమయంలో బస్సులో మొత్తం 25 మంది ప్రయాణికులకు గాయాలయ్యాయి. సమాచారం అందుకున్న పోలీసులు కేసు నమోదు చేసుకొని దర్యాప్తు చేపట్టారు.
