సూర్యాపేట, వెలుగు: గర్నమెంట్రూల్స్ ప్రకారం మోతాదుకు మించి ఇథిలిన్ వాడితే చట్టపర చర్యలు తీసుకుంటామని ఫుడ్సేఫ్టీ ఆఫీసర్డాక్టర్ కల్యాణ్ చక్రవర్తి హెచ్చరించారు. సోమవారం జిల్లా కేంద్రంలోని మామిడి మార్కెట్లలో ఫుడ్ సేఫ్టీ ఆఫీసర్లు ఆకస్మికంగా తనిఖీలు చేపట్టారు. ఈ సందర్భంగా చక్రవర్తి మాట్లాడుతూ.. సహజసిద్ధంగానే మామిడిపండ్లను మగ్గ బెట్టాలని పేర్కొన్నారు. సీజన్ ప్రారంభానికి ముందే వ్యాపారస్తులకు ఇథిలిన్ వినియోగంపై అవగాహన కల్పించమన్నారు. ఆదేశాలు ఇచ్చినా కొంతమంది మామిడి పండ్ల మధ్యలో నేరుగా ఇథిలిన్వాడుతున్నట్లు గుర్తించామన్నారు. టెస్టింగ్కోసం పండ్లను ల్యాబ్కు పంపామని, రిపోర్ట్ ఆధారంగా కేసులు నమోదు చేస్తామన్నారు. జిల్లా కేంద్రంతో పాటు కోదాడ పరిసర ప్రాంతాల్లోనూ తనిఖీలు చేపట్టారు. జిల్లా ఫుడ్ సేఫ్టీ ఇన్చార్జి కృష్ణమూర్తి, ఖాజా లతీఫ్, సిబ్బంది పాల్గొన్నారు.
మోతాదుకు మించి ఇథిలిన్ వాడితే చర్యలు
మరిన్ని వార్తలు
