ఎజెండాను ఆమోదించుకొని మీటింగ్‌ ముగించిన అధికార పార్టీ లీడర్లు
నల్గొండ అర్బన్‌, వెలుగు : నల్గొండ మున్సిపల్‌ కౌన్సిల్‌ మీటింగ్‌ శనివారం నామమాత్రంగా జరిగింది. ప్రకాశం బజార్‌ షాపులు అమ్మాలన్న నిర్ణయాన్ని నిరసిస్తూ కాంగ్రెస్‌, బీజేపీ కౌన్సిలర్లు వాకౌట్‌ చేశారు. దీంతో అధికార పార్టీ కౌన్సిలర్లు ఎజెండాలోని అంశాలను ఆమోదించి సమావేశాన్ని ముగించారు. అంతకుముందు మీటింగ్‌ ప్రారంభంకాగానే మున్సిపల్‌ మాజీ చైర్మన్‌ బొడ్డుపల్లి లక్ష్మి మాట్లాడుతూ ప్రకాశం బజార్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోని షాపులను అమ్మకూడదంటూ 2014లో కౌన్సిల్‌ తీర్మానం చేసిందన్నారు.
బీజేపీ ఫ్లోర్‌ లీడర్‌ బండారు ప్రసాద్‌ మాట్లాడుతూ ఏ ప్రాతిపదికన షాపులను అమ్మాలని నిర్ణయించారో తెలియజేయాలని డిమాండ్‌ చేశారు. మున్సిపల్‌ చైర్మన్‌ రమణాచారి మాట్లాడుతూ ప్రకాశం బజార్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లోని ప్రస్తుతం కిరాయికి ఉంటున్న వారికే అమ్మాలని కౌన్సిలర్‌ తీర్మానం చేసిందని, ఒకసారి తీర్మానం చేసిన తర్వాత దానిని వెనక్కి తీసుకునే అవకాశం లేదన్నారు. తర్వాత షాపుల అమ్మకం నిర్ణయాన్ని నిరసిస్తూ కాంగ్రెస్‌, బీజేపీ సభ్యులు సమావేశాన్ని బహిష్కరించారు. దీంతో అధికార పార్టీ సభ్యులతోనే సమావేశాన్ని కొనసాగించారు.
మున్సిపల్‌ చైర్మన్‌ మందడి సైదిరెడ్డి మాట్లాడుతూ పట్టణంలో అభివృద్ధి వేగంగా జరుగుతోందన్నారు. సమావేశంలో వైస్‌ చైర్మన్‌ అబ్బగోని రమేశ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గౌడ్‌, టీఆర్ఎస్ ఫ్లోర్‌ లీడర్‌ అభిమన్యు శ్రీనివాస్, కౌన్సిలర్లు పిల్లి రామరాజు, మారగోని నవీన్‌ కుమార్‌, జెర్రిపోతుల అశ్విని, యామ కవితా దయాకర్‌, కేసాని వేణుగోపాల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రెడ్డి, గోగుల శ్రీనివాస్, గోగుల రాములమ్మ, కరుణాకర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రెడ్డి, బుర్రి రజిత పాల్గొన్నారు. మరో వైపు సమావేశాన్ని బహిష్కరించిన కాంగ్రెస్‌, బీజేపీ కౌన్సిలర్లు ప్లకార్డులతో నిరసన తెలిపారు. వార్డుల అభివృద్ధికి నిధులు కేటాయించాలని, మున్సిపల్‌ ఆస్తులను కాపాడాలని డిమాండ్‌ చేశారు. ఆస్తులు అమ్మి అభివృద్ధి చేస్తాననడం సరికాదన్నారు. ఆందోళనలో కౌన్సిలర్లు కరుణాకర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌రెడ్డి, జూలకంటి ధనలక్ష్మి, ఏర్పుల తర్షణ, గడిగ హిమబిందు శ్రీనివాస్, బొజ్జ శంకరయ్య పాల్గొన్నారు.
