హైదరాబాద్: హైదరాబాద్ నగర వాసులకు నుమాయిష్ ఎగ్జిబిషన్ నిర్వాహకులు గుడ్ న్యూస్ చెప్పారు. నుమాయిష్ను మరో రెండు రోజులు పొడిగిస్తున్నట్లు తెలిపారు. షెడ్యూల్ ప్రకారం 2025, ఫిబ్రవరి 15వ తేదీతో నాంపల్లి నుమాయిష్ ముగియనుంది. ఈ క్రమంలో నుమాయిష్ను మరో రెండు రోజులు పొడిగించాలని హైదరాబాద్ సీపీ సీవీ ఆనంద్ను మంగళవారం (ఫిబ్రవరి 11) ఎగ్జిబిషన్ సొసైటీ సభ్యులు కోరారు. సొసైటీ సభ్యుల విజ్ఞప్తికి సానూకూలంగా స్పందించిన సీపీ సీవీ ఆనంద్.. ఎగ్జిబిషన్ను రెండు రోజులు పొడిగించుకునేందుకు అనుమతి ఇచ్చారు.
దీంతో ఫిబ్రవరి 17వ తేదీ వరకు నాంపల్లి నుమాయిష్ కొనసాగనుంది. ఇప్పటి వరకు నుమాయిష్కు వెళ్లని వారు వెళ్లే అవకాశం దక్కింది. ఈ నెల 17 వరకు నుమాయిష్ కొనసాగుతుందని ఎగ్జిబిషన్ సొసైటీ సెక్రెటరీ సురేందర్ రెడ్డి తెలిపారు. 2025, జనవరి 3వ తేదీన నాంపల్లి నుమాయిష్ ప్రారంభమైన సంగతి తెలిసిందే. తెలంగాణ సీఎం రేవంత్ రెడ్డి నుమాయిష్ను ప్రారంభించారు.
నుమాయిష్లో ఈసారి రెండు వేల స్టాళ్లు ఏర్పాటు చేయగా ఎంట్రీ ఫీజును రూ.50గా నిర్ణయించారు. మినీ ట్రైన్తో పాటు డబుల్ డెక్కర్ బస్సు సందర్శకులకు ప్రత్యేక ఆకర్షణగా నిలిచింది. వారాంతాలు, సెలవు రోజుల్లో రాత్రి 11 గంటల వరకు ఎగ్జిబిషన్కొనసాగుతుంది. కశ్మీర్ నుంచి కన్యాకుమారి వరకు లభించే అన్ని రకాల వస్తువులను నుమాయిష్ లోని రెండు వేల స్టాల్స్లో ఏర్పాటు చేశారు. నుమాయిష్ ఎగ్జిబిషన్ ద్వారా వచ్చే ఆదాయంతో సొసైటీ పలు విద్యాసంస్థలను నిర్వహిస్తోంది.
