మెహిదీపట్నం, వెలుగు: ఎమ్మార్పీఎస్వ్యవస్థాపక అధ్యక్షుడు మందకృష్ణ మాదిగపై నాంపల్లి పోలీస్స్టేషన్లో కేసు నమోదైంది. మాలలను కించపరిచేలా మందకృష్ణ కామెంట్స్చేశాడని, వెంటనే ఆయనపై చర్యలు తీసుకోవాలని మాల సంక్షేమ సంఘం రాష్ట్ర అధ్యక్షుడు బత్తుల రాంప్రసాద్ ఇచ్చిన ఫిర్యాదు మేరకు కేసు ఫైల్చేశామని ఎస్సై సాయికుమార్ తెలిపారు. ‘మాలలు దోపిడీదారులు, గజదొంగలు, సైకోలు’ అంటూ మందకృష్ణ అవమానకరంగా మాట్లాడారని రాంప్రసాద్ఫిర్యాదులో పేర్కొన్నారు.
కులాల మధ్య విద్వేషాలను రెచ్చగొడుతూ రాష్ట్రంలో అల్లర్లు సృష్టించాలని చూస్తున్నారని, డిసెంబర్ 1న నిర్వహించిన మాలల సింహగర్జన సభ సక్సెస్కావడంతో ఓర్చుకోలేని మందకృష్ణ సోమాజిగూడ ప్రెస్ క్లబ్ లో ఇష్టమొచ్చినట్లు కామెంట్స్చేశారని చెప్పారు. కాగా మందకృష్ణపై జీరో ఎఫ్ఐఆర్నమోదు చేసి, కేసును ఖైరతాబాద్ పీఎస్ కు బదిలీ చేస్తున్నట్లు ఎస్సై సాయి కుమార్ తెలిపారు.
