నేను ఎప్పడు ఏది ఆశించి చేయలేదు.. ఈ అవార్డు వారికే అంకితం: హీరో బాలకృష్ణ

భారత దేశ మూడో అత్యున్నత పురస్కారం పద్మభూషణ్ అవార్డుతో బాలకృష్ణకు అరుదైన గౌరవం దక్కింది. కళారంగంలో, సామాజిక సేవలోను ఆయన చేసిన సేవలకు గాను పద్మభూషణ్ ప్రకటించింది కేంద్రం. ఈ నేపథ్యంలో సినీ, రాజకీయ ప్రముఖులు భారీ సన్మాన కార్యక్రమాలు నిర్వహిస్తూ శుభాకాంక్షలు తెలుపుతున్నారు. నేడు (జనవరి 31న) పద్మభూషణ్ అవార్డు గ్రహీత గౌరవార్థం బసవతారకం క్యాన్సర్ హాస్పిటల్ ట్రస్ట్ యాజమాన్యం బాలకృష్ణని సత్కరించింది. 

ఈ సందర్భంగా బాలకృష్ణ ఆసక్తికర విషయాలు పంచుకున్నారు. వరసగా నాలుగు సినిమాలు హిట్ అవ్వడం, వరసగా3 సార్లు హిందూపురం ఎమ్మెల్యేగా గెలవటం, ఇప్పుడు ఈ అవార్డు రావడం ఎంతో సంతోషాన్నిచ్చింది అన్నారు బాలకృష్ణ. తాను చైర్మన్గా బసవతారకం కాన్సర్ ఆసుపత్రికి ఎన్నో సేవలు అందించడానికి సహకారం అందిస్తున్న దాతాలకి ప్రభుత్వాలకి బ్యాంకర్స్ కి కృతజ్ఞతలు తెలిపారు బాలకృష్ణ.

బసవతారకం కాన్సర్ ఆసుపత్రి:

మా అమ్మ గారి ఆశయం కోసం ఎంతో మందికి బసవతారకం కాన్సర్ ఆసుపత్రిలో తక్కువ ఖర్చుతో వైద్యం చేస్తున్నామని బాలకృష్ణ అన్నారు. అందుకు శస్త్ర చికిత్స లో అత్యాధునిక వైద్యం అందించేందుకు కృషి చేస్తున్నాం. కాలం మారుతుంది కాన్సర్ పెరుగుతుంది దానికి తగ్గట్లుగా మనం పయనించాలి. ఎప్పటికప్పుడు కొత్త మెష్నీరిస్ కి స్వాగతం పలకాలని బాలకృష్ణ తెలిపారు.

Also Read :- ఆహాలో స్ట్రీమింగ్కి వచ్చిన తెలుగు సస్పెన్స్ కామెడీ థ్రిల్లర్ మూవీ

ఇప్పటికీ ఈ ఆసుపత్రి ద్వారా 800కి పైగా రోబోటిక్ సర్జరీలు చేసి దేశంలోనే ఇన్ని రోబోటిక్ సర్జరీలు చేసిన ట్రస్ట్ ఓన్లీ బసవతారకం హాస్పిటల్గా అవతరించిందని బాలకృష్ణ వెల్లడించారు. అంతేకాకుండా ఈ సర్జరీలన్నీ కార్పొరేట్ హాస్పిటల్స్ తో పోలిస్తే యాభై శాతం తక్కువ ఖర్చుతో వైద్యం అందిస్తున్నాం. అందుకు అన్ని విధాలుగా సంకల్పం సేవ బలంతో ముందుకు సాగుతున్నామని బాలకృష్ణ చెప్పారు.

పద్మభూషణ్ అవార్డు:

అయితే, ఈ క్రమంలో పదవులు మనకు అలంకారం కాదు. మనకు పదవులు అలంకారం కావాలి. నేను ఎప్పడు ఏది ఆశించి చేయలేదు. ఇది మా నాన్న గారి ఆశీర్వాదం. ఇలాంటి సన్మానాలు మనలో బాధ్యత పెంచుతుంది. నాకు వచ్చిన ఈ అవార్డు మీకు అందరికి వచ్చినట్లే ఈ రోజు నాకు వచ్చిన ఈ అత్యున్నత పురస్కారం రేపు మీకు రావచ్చు.

అందుకోసం అనుక్షణం స్వంత లాభం కొంత మానుకొని సమాజం కోసం పని చేయండని బాలకృష్ణ హితవు పలికారు. ఈ గౌరవ ప్రదమైన అవార్డు మా నాన్న గారి అమ్మ గారికి అంకితం చేస్తున్నట్లు తెలిపారు. మా నాన్న సీనియర్ ఎన్టీఆర్ సమాజానికి, సినీ రంగానికి ఎన్నో సేవలు చేశారు. ఆయన కి భారతరత్న రావాలని బాలకృష్ణ కోరారు.