ఈ ఏడాదితో నటుడిగా యాభై ఏళ్లు పూర్తి చేసుకుంటున్నారు నందమూరి బాలకృష్ణ(Balakrishna). ‘తాతమ్మ కల’ సినిమాతో ఆయన కెరీర్‌ ప్రారంభించారు. ఈ సినిమా విడుదలై ఆగస్టు 30కి యాభై ఏళ్లు పూర్తవుతున్న సందర్భంగా సెప్టెంబర్ 1న తెలుగు చలనచిత్ర పరిశ్రమ ఆయనకు ఘన సన్మానం చేయబోతోంది.
ఈ భారీ ఈవెంట్ కూకట్ పల్లి ఖైతలాపుర్ గ్రౌండ్స్ లో జరగనుంది. ప్రముఖ శ్రేయాస్ మీడియా నిర్వహించనున్న ఈ కార్యక్రమానికి భారతీయ సినిమా, ఇతర రంగాలకు చెందిన ప్రముఖులు కూడా ఈ కార్యక్రమంలో పాల్గొనబోతున్నారు. తెలుగు, తమిళ్, కన్నడ, మలయాళ స్టార్ హీరోలతో పాటు బాలీవుడ్ అగ్ర హీరోలు సైతం అటెండ్ అవ్వనున్నారు.
ఈ నేపథ్యంలో తెలుగు ఫిలిం ప్రొడ్యూసర్ కౌన్సిల్ ప్రెసిడెంట్ కె.ఎల్.దామోదర ప్రసాద్, తెలంగాణ ఫిలిం ఛాంబర్ ప్రెసిడెంట్ సునీల్ నారంగ్, తెలుగు ఫిలిం ఛాంబర్ ట్రెజరర్ టి.ప్రసన్న కుమార్, ఎంప్లాయిస్‌ ఫెడరేషన్‌ ప్రెసిడెంట్ వల్లభనేని అనిల్..ఇటీవలే బాలకృష్ణను కలిసి శుభాకాంక్షలు కూడా తెలియజేశారు.
Here's the special video of Global Lion #NandamuriBalakrishna garu sharing few moments that he had with his father, the legendary actor #NandamuriTarakaRamaRao garu ❤️📷 #NBK50 #NBK50inTFI@AnantapurJagan #NBKHelpingHands #NBK50YearsCelebrations pic.twitter.com/7FPaCXIpct
— Shreyas Media (@shreyasgroup) July 13, 2024
తండ్రి నందమూరి తారక రామారావు వారసత్వాన్ని పుణికి పుచుకొని, నటనలో తండ్రికి తగ్గ తనయుడిగా ప్రేక్షకులను ఆకట్టుకుంటూ అంచలంచలుగా ఎదుగుతూ సినీ పరిశ్రమలో అగ్ర నటుడుగా తనకంటూ ప్రత్యేక స్థానాన్ని ఏర్పరుచుకున్నాడు. బాలయ్య బాబు..జై బాలయ్య అనే స్లొగన్స్ ఆడియన్స్ లో క్రియేట్ చేసి తనదైన లెగసిని 50 ఏళ్లుగా కొనసాగిస్తున్నారు. ప్రస్తుతం బాలయ్య 109వ సినిమాను బాబీ డైరెక్షన్ లో నటించనున్నారు.
