కళ్యాణ్ రామ్ హీరోగా ప్రదీప్ చిలుకూరి దర్శకత్వంలో ఓ చిత్రం రూపొందుతోంది. ముప్పా వెంకయ్య చౌదరి సమర్పణలో అశోక్ క్రియేషన్స్, ఎన్టీఆర్ ఆర్ట్స్ బ్యానర్స్‌‌పై అశోక్ వర్ధన్ ముప్పా, సునీల్ బలుసు నిర్మిస్తున్నారు. కళ్యాణ్ రామ్ కెరీర్‌‌‌‌లో ఇది 21వ చిత్రం. ప్రస్తుతం ఈ సినిమా షూటింగ్ శరవేగంగా జరుగుతోంది. తాజాగా వైజాగ్‌‌లో కొత్త షెడ్యూల్‌‌ను మొదలుపెట్టారు.
యాక్షన్ సీక్వెన్స్‌‌తో పాటు, కీలక పాత్రలు పోషిస్తున్న విజయశాంతి, శ్రీకాంత్, సయి మంజ్రేకర్, సోహైల్ ఖాన్‌‌లతో కూడిన టాకీ పార్ట్‌‌ను కూడా చిత్రీకరిస్తున్నారు. ఈ సందర్భంగా సెట్ నుండి విడుదల చేసిన వర్కింగ్ స్టిల్‌‌లో కళ్యాణ్ రామ్ ఆలోచిస్తున్నట్లు కనిపిస్తున్నాడు.
15 రోజుల పాటు ఈ షెడ్యూల్ కొనసాగనుందని దీంతో మేజర్ పార్ట్ షూట్ పూర్తవుతుందని మేకర్స్ తెలియజేశారు. ఈ చిత్రానికి శ్రీకాంత్ విస్సా స్క్రీన్ ప్లే రాస్తుండగా, అజనీష్ లోక్‌‌నాథ్ సంగీతం అందిస్తున్నాడు. ఇప్పటికే విడుదలైన గ్లింప్స్ సినిమాపై అంచనాలు పెంచింది. ఈ సినిమాలో లేడీ బాస్ గా పేరుతెచ్చుకున్న విజయశాంతి కీ రోల్ చేస్తున్నారు.
