నేచురల్ స్టార్ నాని బర్త్ డే సందర్భంగా హిట్ 3 మూవీ టీమ్ నాని అభిమానులకు బిగ్ అప్డేట్ ఇచ్చింది. నాని పుట్టిన రోజు పురస్కరించుకుని శైలేష్ కొలను దర్శకత్వంలో తెరకెక్కుతోన్న హిట్ 3 సినిమా టీజర్ను విడుదల చేసింది మూవీ యూనిట్. ఒక నిమిషం 44 సెకన్లతో టీజర్ కట్ చేసిన మేకర్స్.. ఇందులో నానిని వైల్డ్గా చూపించారు. అర్జున్ సర్కార్ అనే పవర్ ఫుల్ పోలీస్ ఆఫీసర్ పాత్రలో నాని విశ్వరూపం చూపించినట్లు టీజర్ చూస్తే అర్థం అవుతోంది. టీజర్ ఆసాంతం వైల్డ్ పోలీస్ అధికారి క్యారెక్టర్లో నాని రెచ్చిపోయాడు. టీజర్ ప్రారంభంలోనే నాని గురించి రావు రమేష్ ఇచ్చిన హైప్ అభిమానుల్లో క్యూరియాసిటీ పెంచేసింది.
‘‘ఫ‌స్ట్ డే నిన్ను చూసిన‌ప్పుడే డౌట్ వ‌చ్చింది.. నువ్వు పోలీస్ ఆఫీస‌ర్‌వేనా అని ఓ అమ్మాయి అన‌గానే.. అదే అనుకొని ఇన్నేళ్లు జ‌నం మోస‌పోయారు. మీకు ఒరిజిన‌ల్ చూపిస్తా’’ అంటూ నాని చెప్పిన డైలాగ్ టీజ‌ర్‌కు హైలైట్‌గా నిలిచింది. తాజా టీజర్ హిట్ 3పై అంచనాలను మరింత పెంచేసింది. హిట్ సిరీస్కు హీరో నానినే నిర్మాతగా వ్యవహరిస్తోన్న విషయం తెలిసిందే. హిట్ 1లో విశ్వక్ సేన్, హిట్ 2లో అడివి శేషు ప్రధాన పాత్రల్లో నటించారు. క్రైమ్ థ్రిల్లర్, ఇన్వెస్టిగేటింగ్ నేపథ్యంలో సాగే హిట్ సిరీస్లోని రెండు సినిమాలు బాక్సాఫీస్ వద్ద సూపర్ హిట్గా నిలిచాయి. ఇక, హిట్ 3లో నాని నటిస్తుండటంతో ఈ సినిమా మరింత హైప్ క్రియేట్ అయ్యింది.
తాజాగా విడుదలైన టీజర్ అంచనాలను వేరే లెవల్కు తీసుకెళ్లిందంటున్నారు నాని ఫ్యాన్స్. హిట్ 3 మూవీకి టాలెంటెడ్ డైరెక్టర్ శైలేష్ కొలను దర్శకత్వం వహించగా.. ప్రముఖ మ్యూజిక్ డైరెక్టర్ మిక్కీ జే మేయర్ సంగీతమందించాడు. 'కేజీఎఫ్' ద్వారా గుర్తింపు తెచ్చుకున్న కన్నడ బ్యూటీ శ్రీనిధి శెట్టి నాని సరసన హీరోయిన్గా నటిస్తోంది. ఇప్పటికే దాదాపు షూటింగ్ కంప్లీట్ చేసుకున్న హిట్ 3 మూవీ.. మే 1న ప్రపంచవ్యాప్తంగా విడుదలకు సిద్ధంగా ఉంది.
