హైదరాబాద్, వెలుగు: నీట్–2022 ఫలితాల్లో నారాయణ విద్యార్థులు తమ హవా కొనసాగించారు. ఓపెన్ కేటగిరీలో తమ విద్యార్థి తనిష్క ఆలిండియా టాపర్ గా నిలిచారని, వివిధ కేటగిరీల్లో 1,1,1,2,2,9 వంటి ర్యాంకులను తమ విద్యార్థులు సాధించారని నారాయణ విద్యాసంస్థల డైరెక్టర్లు పి.శరణీ నారాయణ, సింధూర నారాయణ గురువారం తెలిపారు. టాప్ 10లో 6 ర్యాంకులు, వందలోపు 29 ర్యాంకులు, వెయ్యిలోపు 324 ర్యాంకులు సాధించి సరికొత్త రికార్డు సృష్టించామని చెప్పారు. స్టార్ సీఓ బ్యాచ్, ఎన్–40 ప్రోగ్రామ్ ల ద్వారా టాప్ ర్యాంకులు సాధిస్తున్నామన్నారు.
సీబీఎస్ఈ బయోలజీలో తెలుగు విద్యార్థులు ఎలాంటి అసౌకర్యానికి గురికాకుండా, ఫిజిక్స్, కెమిస్ర్టీల్లో సీబీఎస్ఈ తయారు చేసే క్వశ్చన్ పేపర్లకు అనుగుణంగా అకాడమిక్ ప్రోగ్రామ్లను తయారు చేస్తున్నట్టు తెలిపారు. కాన్సెప్ట్స్ బెస్డ్ విద్యావిధానాన్ని పరిగణనలోకి తీసుకోవడంతోనే టాప్ర్యాంకులు సాధించినట్టు పేర్కొన్నారు. జాతీయ స్థాయిలో మొదటిసారిగా మూడుసార్లు ఏఐపీఎంటీ ఆలిండియా ఫస్ట్ ర్యాంక్ సాధించిన ఘనత ఒక్క నారాయణ విద్యాసంస్థదేనని అన్నారు. ర్యాంకులు సాధించిన స్టూడెంట్లు, వారి పేరెంట్స్, లెక్చరర్లకు అభినందనలు చెప్పారు.
