మద్దూరు, వెలుగు: ఇందిరమ్మ ఇండ్ల సర్వే యాప్ లో అన్ని వివరాలను నమోదు చేయాలని నారాయణపేట కలెక్టర్ సిక్తా పట్నాయక్ ఆదేశించారు. బుధవారం మద్దూరు మండలం పెదిరిపహాడ్ లో సర్వేను పరిశీలించారు. ఈ సందర్భంగా ఆమె మాట్లాడుతూ.. దరఖాస్తుల వారీగా ఇండ్ల సర్వే చేయాలని సూచించారు. సర్వర్ సమస్యతో సర్వే ఆలస్యమవుతోందని సిబ్బంది కలెక్టర్ దృష్టికి తీసుకెళ్లారు. ఉదయం, సాయంత్రం సమయంలో సర్వే చేస్తే ప్రజలు అందుబాటులో ఉంటారని, ఆ సమయంలో సర్వర్ సమస్య కూడా ఉండదని ఆమె చెప్పారు.
ఏమైనా అనుమానాలు ఉంటే ఉన్నతాధికారులను సంప్రదించాలని సూచించారు. డాక్యుమెంట్లను పరిశీలించి వివరాలు నమోదు చేయాలన్నారు. మండల కేంద్రంలో కొందరు మహిళలు కలెక్టర్ను కలిసి తమకు ఇంటి స్థలం ఇప్పించాలని కోరారు. అనంతరం కేజీబీవీని తనిఖీ చేశారు. కార్యక్రమంలో తహసీల్దార్ మహేశ్గౌడ్, ఎంపీడీవో నరసింహారెడ్డి, ఏపీవో రామన్న పాల్గొన్నారు.
