గద్వాల, వెలుగు : జోగులాంబ గద్వాల జిల్లాలోని మల్దకల్లో కల్లు షాపులపై బుధ, గురువారాల్లో నార్కోటిక్ డ్రగ్స్ ఆఫీసర్లు దాడులు చేయడం కలకలం రేపింది. కల్లు తాగిన ఒకరికి బెంజోడియా జి వైన్స్ రిపోర్ట్ పాజిటివ్గా రావడంతో మొదటిసారిగా ఎన్డీపీఎస్ యాక్ట్ కింద కేసు నమోదు చేశారు. కల్లు అమ్మిన ధర్మేష్ గౌడు, కేశన్న గౌడ్, శ్రీధర్ గౌడ్ను కేసులో నిందితులుగా చేర్చారు.
వాస్తవంగా గురువారమే కేసు నమోదు అయినప్పటికీ పొలిటికల్ లీడర్లు ఇందులో ఉండడంతో వివరాలు చెప్పేందుకు వెనుకడుగు వేశారనే విమర్శలు ఉన్నాయి. ఈ కేసులో ఒత్తిడి భరించలేక గద్వాల సీఐ భీమ్ కుమార్ సెలవుపై వెళ్లారనే అభిప్రాయం వ్యక్తమవుతోంది. ప్రస్తుతం శాంతినగర్ సీఐ టాటా బాబుకు గద్వాల ఇన్చార్జి బాధ్యతలు ఇచ్చారు.
