- నర్సాపూర్ ఎమ్మెల్యే సునీతారెడ్డి
శివ్వంపేట, వెలుగు : తాను బీఆర్ఎస్ ఎమ్మెల్యేను అయినా అభివృద్ధి పనులకు అవసరమైన నిధుల కోసం ముఖ్యమంత్రిని కలుస్తానని నర్సాపూర్ ఎమ్మెల్యే సునీతా లక్ష్మారెడ్డి అన్నారు. గాంధీ వర్ధంతి సందర్భంగా మంగళవారం మండలంలోని ఎదుల్లాపూర్ గ్రామంలో ఏర్పాటు చేసిన గాంధీ, అంబేద్కర్ విగ్రహాలను మాజీ ఎమ్మెల్యే మదన్ రెడ్డి, ఎంపీపీ హరికృష్ణతో కలిసి ఆవిష్కరించారు. ఈ సందర్భంగా ఎమ్మెల్యే మాట్లాడుతూ ప్రభుత్వ నిధుల కోసం ఎదురు చూడకుండా లక్షల రూపాయల సొంత నిధులతో గ్రామాన్ని అభివృద్ధి చేయడం గొప్ప విషయమని సర్పంచ్ కీర్తనను అభినందించారు.
అనంతరం ఎంపీడీఓ ఆఫీస్లో జరిగిన జనరల్ బాడీ మీటింగ్లో పాల్గొన్నఎమ్మెల్యే గడచిన పదేళ్ల కాలంలో గ్రామాలలో గతంలో ఎప్పుడు జరగని అభివృద్ధి పనులు జరిగాయన్నారు. మీటింగ్లో సర్పంచులు మాట్లాడుతూ గ్రామాల్లో పనులు చేసినా బిల్లులు రాక అనేక ఇబ్బందులు ఎదుర్కొన్నామని ఆవేదన వ్యక్తం చేశారు. పెండింగ్ బిల్లులు ఇప్పించాలని కోరారు. సర్పంచుల పదవీ కాలం ముగియనున్న సందర్భంగా వారిని ఎమ్మెల్యే సన్మానించారు. ఈ కార్యక్రమంలో వైఎస్ ఎంపీపీ రమాకాంత్రెడ్డి, జడ్పీ కో ఆప్షన్ మెంబర్ మన్సూర్ అలీ పాల్గొన్నారు.
