- అనారోగ్య కారణాలతో రాలేకపోయిన హెచ్ఎం
- ఛాతి నొప్పితో టీచర్ అడ్మిట్
- ఎంఈవోకు కంప్లయింట్
నేరడిగొండ, వెలుగు : ఆదిలాబాద్ జిల్లా నేరడిగొండ మండలంలోని తేజపూర్ లోని ప్రైమరీ స్కూల్లో ఇండిపెండెన్స్డే సందర్భంగా మంగళవారం జాతీయ జెండా ఎగరవేయలేదు. హెచ్ఎంతో పాటు ఉన్న ఒక్క టీచర్కూడా రాకపోవడంతో ఉత్సాహంతో స్కూలుకు వెళ్లిన విద్యార్థులు నిరుత్సాహంతో వెనుతిరిగారు. దీంతో తల్లిదండ్రులు హెచ్ఎంకు ఫోన్ చేయగా తాను అనారోగ్య కారణాలతో 30 రోజులు లీవ్లో ఉన్నానని, అందుకే రాలేకపోయానని సమాధానమిచ్చారు. ఏఎంసీ చైర్మన్ కు సమాచారమిచ్చినా కార్యక్రమం జరిగేదని వారు మండిపడ్డారు. ఎంఈఓ పరిధిలోని ఎంఆర్సీ సిబ్బందితోనైనా జెండా ఎగురవేయాల్సిందన్నారు. మరో టీచర్ఉన్నా అతడు రాకపోవడంపై ఫైర్అయ్యారు. అయితే మంగళవారం తెల్లవారుజామున అతడు ఛాతినొప్పితో హాస్పిటల్లో జాయిన్అయ్యాడని తెలిసింది. దీంతో ఎవరూ రాలేని పరిస్థితి ఏర్పడింది. చివరకు ఎంఈఓ భూమారెడ్డికి ఏఎంసీ చైర్మన్ఫిర్యాదు చేయడంతో ఇంటికి వెళ్లిన పిల్లలను హైస్కూల్ కు తీసుకువచ్చి జెండా వందనం చేయించారు. జిల్లా విద్యాశాఖ అధికారులు స్పందించి వెంటనే బాధ్యులపై చర్యలు తీసుకోవాలని గ్రామస్తులు కోరుతున్నారు.
