- చేవెళ్ల ఆర్డీఓ చంద్రకళ
చేవెళ్ల, వెలుగు: నేషనల్గ్రీన్ ట్రిబ్యునల్లో కేసు కారణంగానే నేషనల్హైవే 163 విస్తరణ పనులు ఆలస్యం అవుతున్నాయని చేవెళ్ల ఆర్డీఓ చంద్రకళ వెల్లడించారు. ఆలూరు స్టేజీ వద్ద లారీ యాక్సిడెంట్జరగడంతో ఆర్డీఓ స్పందించారు. 2017లోనే హైవేకు నిధులు మంజూరయ్యాయని, భూ సేకరణ పూర్తయిందని తెలిపారు. 800 మంది రైతులకు నష్ట పరిహారం చెల్లించామన్నారు.
రోడ్డుకు ఇరువైపులా 1000 భారీ మర్రిచెట్లు ఉన్నాయని, హైవే విస్తరణలో భాగంగా వాటిని తొలగించవద్దని 2021లో తేజపు అనే వ్యక్తి నేషనల్ గ్రీన్ ట్రిబ్యునల్ను ఆశ్రయించాడని, స్టేటస్కో రావడంతో అప్పుడు పనులు ఆగాయని చెప్పారు. 2023 నవంబర్6న ఎన్జీటీ కేసును క్లోజ్ చేస్తూ కేంద్ర పర్యారణ శాఖ నుంచి అనుమతి తీసుకుని రోడ్డు విస్తరించాలని సూచించిందన్నారు.
అన్ని అనుమతులు వచ్చాక గత జనవరిలో తేజపు మళ్లీ ఎన్జీటీని ఆశ్రయించారని, ప్రస్తుతం స్టేటస్కో ఉందని చెప్పారు. కాగా ఎన్హెచ్163ని పూర్తిచేసి చేవెళ్ల ప్రాంత ప్రజల ప్రాణాలు కాపాడాలని బీఆర్ఎస్నేత కార్తీక్రెడ్డి చేవెళ్ల ఆర్డీఓ చంద్రకళకు, చేవెళ్ల సీఐ భూపాల్శ్రీధర్కు వినతిపత్రం సమర్పించారు.
