- రాజేంద్రనగర్లో అదుపులోకి తీసుకున్న ఎన్ఐఏ
- కూలి పని చేస్తూ ‘హిజ్బ్ ఉత్ తహ్రిర్’ టెర్రరిస్ట్ యాక్టివిటీస్
- బయో కెమికల్, బ్యాక్టీరియాతో దాడులకు స్కెచ్
హైదరాబాద్, వెలుగు : ‘హిజ్బ్ ఉత్ తహ్రిర్’ టెర్రరిస్ట్ యాక్టివిటీస్ కేసులో నేషనల్ ఇన్వెస్టిగేషన్ ఏజెన్సీ (ఎన్ఐఏ) దర్యాప్తు ముమ్మరం చేసింది. రాజేంద్రనగర్లో మంగళవారం సోదాలు నిర్వహించి మహ్మద్ సల్మాన్ అనే సభ్యుడిని అరెస్ట్ చేసింది. డిజిటల్ డివైజ్లు, హార్డ్ డిస్క్, పెన్డ్రైవ్లు, ఎస్డీ కార్డులతో పాటు కీలక డాక్యుమెంట్లను స్వాధీనం చేసుకుంది. భోపాల్ కేంద్రంగా హిజ్బ్ ఉత్ తహ్రిర్ నిర్వహిస్తున్న కార్యకలాపాలను మధ్యప్రదేశ్ ఏటీఎస్ మే నెలలోనే ట్రేస్ చేసింది. తర్వాత హైదరాబాద్లో మే 10న సోదాలు చేసి ఆరుగురిని అరెస్ట్ చేసింది. మే 24న ఎన్ఐఏ ఎఫ్ఐఆర్ రిజిస్టర్ చేసి దేశవ్యాప్తంగా టెర్రరిస్ట్ ఆర్గనైజేషన్ యాక్టివిటీస్పై దర్యాప్తు చేస్తున్నది. బయో కెమికల్, బ్యాక్టీరియాతో విధ్వంసాలు సృష్టించి దేశంలో షరియత్ చట్టాలు అమలు చేసేందుకు కుట్ర చేసినట్లు ఆధారాలు సేకరించింది.
హైదరాబాద్ మాడ్యూల్లో కీలక సభ్యుడు
మహ్మద్ సల్మాన్ మేడ్చల్‌ జిల్లా జవహర్‌ నగర్‌‌లోని శివాజీనగర్‌‌‌‌లో నివాసం ఉండేవాడు. రోజువారీ కూలీగా పని చేస్తుండేవాడు. హైదరాబాద్ మాడ్యూల్లో మహ్మద్ సల్మాన్ కీలకంగా వ్యవహరించాడు. డెక్కన్ కాలేజీలో ఫార్మాస్యూటికల్‌ బయోటెక్నాలజీ హెచ్వోడీగా పనిచేసిన మహ్మద్ సలీం అలియాస్‌ సౌరభ్‌ రాజ్‌ వైద్య, సాఫ్ట్వేర్ ఇంజినీర్‌ అబ్దుల్ రెహ్మాన్ అలియాస్‌ దేవీ ప్రసాద్ పాండ, డెంటల్ డాక్టర్‌ షేక్‌ జునైద్‌‌తో కలిసి యువకులను రిక్రూట్ చేశాడు. ఇండియాలో షరియత్ చట్టాలు అమలు జరిగేలా చేసేందుకు ‘తంజీమ్‌’ పేరుతో హైదరాబాద్ మాడ్యూల్ ఆపరేషన్స్‌ జరిపింది.
సైన్స్, ఐటీ యువతే లక్ష్యంగా రిక్రూట్మెంట్
‘హిజ్బ్ ఉత్ తహ్రిర్’ హ్యూమన్ బాంబ్స్‌, గ్రెనేడ్స్తో కాకుండా హై టెక్నాలజీ, బ్యాక్టీరియా, బయో కెమికల్స్ తో విధ్వంసాలకు ప్లాన్ చేస్తున్నట్లు ఇన్వెస్టిగే షన్ ఏజెన్సీలు గుర్తించాయి. సైన్స్, ఐటీలో అనుభవం ఉన్న సాఫ్ట్వేర్ యు వతను రిక్రూట్ చేసుకుంటున్నట్లు బయటపడింది. మెడికో, ఐటీ స్టూడెం ట్స్‌‌ను ఆకర్శించేలా మీటింగ్లు నిర్వ హించినట్లు ఆధారాలు సేకరించారు.
