న్యూఢిల్లీ: కొత్త యూపీఐ వినియోగదారులను చేర్చుకోవడానికి నేషనల్ పేమెంట్స్ కార్పొరేషన్ ఆఫ్ ఇండియా (ఎన్పీసీఐ) పేటీఎంకి అనుమతిని మంజూరు చేసింది. అన్ని విధానపరమైన మార్గదర్శకాలకు, సర్క్యులర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లకు కట్టుబడి కొత్త వారిని తీసుకోవాలని స్పష్టం చేసింది. పేటీఎం యాప్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో కొత్త యూపీఐ వినియోగదారులను తీసుకోకుండా పేటీఎం పేమెంట్స్ బ్యాంక్ లిమిటెడ్ (పీపీబీఎల్)పై ఈ ఏడాది ప్రారంభంలో ఆర్బీఐ ఆంక్షలు విధించింది.
రూల్స్ను పాటించనందుకే ఈ నిర్ణయం తీసుకుంది. ఈ ఏడాది మార్చిలో ఎన్సీపీఐ థర్డ్-పార్టీ అప్లికేషన్ ప్రొవైడర్ (టీపీఏపీ)గా యూపీఐలో పాల్గొనడానికి పేటీఎంకి అనుమతి ఇచ్చింది. ఎస్బీఐ, యాక్సిస్ బ్యాంక్, హెచ్డీఎఫ్సీ బ్యాంక్, యెస్ బ్యాంకుల ద్వారా యూపీఐ లావాదేవీలను కొనసాగించడానికి ఎన్పీసీఐకంపెనీని అనుమతించింది.
ఇదిలా ఉండగా, జొమాటోకు వినోదం, టికెటింగ్ వ్యాపారాన్ని విక్రయించడం ద్వారా అనూహ్యంగా లభించిన లాభం కారణంగా, సెప్టెంబర్ 2024తో ముగిసిన క్వార్టర్లో వన్97 కమ్యూనికేషన్స్ రూ. 928.3 కోట్ల నికర లాభాన్ని ఆర్జించింది. ఏడాది క్రితం రూ. 290.5 కోట్ల నష్టం వాటిల్లింది.
