నెట్వర్క్, వెలుగు : ఎన్నికల్లో ఓటు హక్కును ప్రతి ఒక్కరూ తప్పనిసరిగా వినియోగించుకోవాలని పలువురు అధికారులు సూచించారు. శనివారం కలెక్టరేట్ తోపాటు ఆయా చోట్ల జాతీయ ఓటర్ల దినోత్సవాన్ని ఘనంగా నిర్వహించారు. కొత్తగూడెంలో కలెక్టర్ జితేశ్ వి పాటిల్, ఖమ్మం కలెక్టరేట్లో స్థానిక సంస్థల అడిషనల్ కలెక్టర్ డాక్టర్ పి. శ్రీజ, ఖమ్మంలో జిల్లా విద్యాధికారి సోమశేఖరశర్మ, జిల్లా ఇంటర్మీడియట్ అధికారి రవిబాబు, జిల్లా క్రీడలు, యువజన సంక్షేమ అధికారి సునీల్ రెడ్డి, ఖమ్మం అర్బన్ తహసీల్దార్ రవికుమార్, ఖమ్మం రూరల్ మండలం కోదడ క్రాస్ రోడ్డులో జిల్లా రెవెన్యూ అధికారి రాజేశ్వరి, రూరల్ తహసీల్దార్రాంప్రసాద్, కుసుమంచిలో తహసీల్దారు కరుణశ్రీ, పాల్వచంలో మార్క్ ఫెడ్ డైరెక్టర్ కొత్వాల శ్రీనివాసరావు పాల్గొన్నారు.
ఖమ్మం కలెక్టరేట్లో భారత ఎన్నికల కమిషన్ సీఈవో అందించిన సందేశాన్ని ప్రొజెక్టర్ ద్వారా ప్రదర్శించారు. ఆయా మండల కేంద్రాల్లో ర్యాలీలు నిర్వహించారు. మనవహారాలు చేపట్టారు. ఓటు హక్కు వినియోగంపై ప్రతిజ్ఞ చేశారు. ఆయా స్కూళ్లలో నిర్వహించిన మాక్ పోలింగ్ ఆకట్టుకుంది.
