తెలుగులో ప్రముఖ దర్శకుడు శైలేష్ కొలను దర్శకత్వంలో వచ్చిన హిట్, హిట్ 2 చిత్రాలు మంచి హిట్ అయ్యాయి. దీంతో దర్శకుడు శైలేష్ కొలను ఈ చిత్ర సీక్వెల్స్ పై దృష్టి సారించాడు. ఈ క్రమంలో హిట్ 3 : ది థర్డ్ కేస్ ని తెరకెక్కిస్తున్నాడు. కాగా ఈ చిత్రంలో టాలీవుడ్ నేచురల్ స్టార్ నాని పవర్ఫుల్ పోలీస్ ఆఫీసర్ అర్జున్ సర్కార్ పాత్రలో నటిస్తున్నాడు.
ఆమధ్య ఈ చిత్ర టీజర్ విడుదల కాగా మంచి రెస్పాన్స్ వచ్చింది. ఈ చిత్రంలో హీరో నానికి జోడీగా కెజీఎఫ్ మూవీ ఫేమ్ శ్రీనిధి శెట్టి హీరోయిన్ గా నటిస్తోంది. కాగా ప్రస్తుతం ఈ చిత్రం విశాఖపట్నంలో షూటింగ్ జరుపుకుంటోంది.
ALSO READ | అఫీషియల్.. ఓటీటీలో స్ట్రీమింగ్కి వచ్చిన తెలుగు సూపర్ హిట్ ఫ్యామిలీ మూవీ
అయితే ఇటీవలే ఈ చిత్ర రిలీజ్ డేట్ పై కీలక అప్డేట్ ప్రకటించారు చిత్ర యూనిట్. ఇందులోభాగంగా హిట్ 3: ది థర్డ్ కేస్ చిత్రాన్ని వచ్చే ఏడాది సమ్మర్ కానుకగా ప్రపంచవ్యాప్తంగా థియేటర్లలో మే 1వ తారీఖున విడుదల చేస్తున్నట్లు చిత్రం యూనిట్ సోషల్ మీడియా వేదికగా తెలిపారు. దీంతో హీరో నాని అభిమానులు అనందం వ్యక్తం చేస్తున్నారు.
ఈ విషయం ఇలా ఉండగా హీరో నాని సినిమా ఇండస్ట్రీకి వచ్చి 16 సంవత్సరాలు పూర్తవడంతో హిట్ 3 చిత్రం ఈ అప్డేట్ ఇచ్చినట్లు తెలుస్తోంది. అయితే ఇటీవలే నాని హీరోగా నటించిన సరిపోదా శనివారం చిత్రం నెట్ ఫ్లిక్స్ లో విడుదల చెయ్యగా టాప్ లో ట్రెండ్ అవుతోంది.
