- తెలంగాణ, ఏపీలోని 150 స్టేషన్లలో అందుబాటులో
హైదరాబాద్, వెలుగు: దసరా, దీపావళిని దృష్టిలో పెట్టుకొని ప్రయాణీకులకు రుచికరమైన భోజనం అందించేందుకు ‘నవరాత్రి స్పెషల్ థాలీ’ ఏపీ, తెలంగాణలోని 150 రైల్వే స్టేషన్లలో అందుబాటులో ఉంచనున్నట్టు సౌత్ సెంట్రల్ రైల్వే జీఎం అరుణ్ కుమార్ జైన్ గురువారం ఒక ప్రకటనలో పేర్కొన్నారు.
ఈ భోజనాన్ని రైల్వే ఐఆర్సీటీసీ మొబైల్ యాప్, రైల్వే అధికారిక వెబ్ సైట్ నుంచి ఆర్డర్ చేసుకోవచ్చని తెలిపారు. తిరుపతి, సికింద్రాబాద్, హైదరాబాద్ లోని పలు స్టేషన్లతో పాటు.. మొత్తం 150 స్టేషన్లలో ఈ స్పెషల్ భోజనం అందుబాటులో ఉంటుందన్నారు. దసరా, దీపావళి పండుగ రద్దీని దృష్టిలో ఉంచుకొని ప్రయాణీకులకు ఎలాంటి అసౌకర్యం కలగకుండా ఉండేందుకు అదనంగా 14 వందల ప్రత్యేక రైళ్లను నడుపుతున్నట్లు తెలిపారు.
