ముంబై: దేశంలోని ప్రతి వీధిలోనూ రామ భక్తులు, మోదీ సింహాలు తిరుగుతున్నారని అమరావతి బీజేపీ ఎంపీ నవనీత్ రాణా అన్నారు. ఫిరంగిలాంటి తన తమ్ముడిని అదుపులో ఉంచుతున్నానంటూ ఎన్నికల ర్యాలీలో ఎంఐఎం చీఫ్ అసదుద్దీన్ చేసిన వ్యాఖ్యలకు ఆమె ట్విట్టర్లో కౌంటర్ ఇచ్చారు. ‘‘మీ తమ్ముడిలాంటి ఫిరంగులను మా ఇంటిముందు అలంకరణలా వాడుతాం” అని చెప్పారు. తాను త్వరలోనే హైదరాబాద్కు వస్తున్నానని, దమ్ముంటే తనను ఆపాలని సవాల్ విసిరారు.
15 సెకన్ల సవాల్తో మొదలైన మాటల యుద్ధం
ఇటీవల నవనీత్ రాణా హైదరాబాద్లో బీజేపీ ఎంపీ అభ్యర్థి మాధవీలత తరఫున ప్రచారం నిర్వహించారు. ఓ 15 సెకన్ల సమయం ఇస్తే ఒవైసీ సోదరులు ఎక్కడినుంచి వచ్చారో.. తిరిగి ఎక్కడికి చేరుకున్నారో తెలియకుండా చేస్తామని (2013లో ఎంఐఎం ఎమ్మెల్యే అక్బరుద్దీన్ ఒవైసీ వ్యాఖ్యలకు కౌంటర్గా) నవనీత్ రాణా కామెంట్ చేశారు. దీనిపై తాజాగా అసదుద్దీన్ ఒవైసీ స్పందించారు. 15 సెకన్లు కాదు.. ఆమెకు గంట సమయం ఇవ్వాలని మోదీని కోరారు.
బీజేపీ నేతలను చూసి తాము భయపడబోమని చెప్పారు. ‘నా తమ్ముడు ఫిరంగిలాంటివాడు. సన్ ఆఫ్ సలార్. నేనే అదుపుచేస్తున్నా. ఒక్కసారి వదిలిపెట్టమంటారా?’’ అని సవాల్ విసిరారు. దీనిపై నవనీత్ రాణా స్పందించారు. ‘‘మీ తమ్ముడు సన్ ఆఫ్ సలార్ అయితే.. నేను సైనికుడి బిడ్డను.. ఎవ్వరికీ భయపడబోను” అని తెలిపారు. కాగా, ‘‘కాంగ్రెస్‌‌కు ఓటేస్తే పాకిస్తాన్కు వేసినట్టే’’ అంటూ నవనీత్ చేసిన వ్యాఖ్యలపై శుక్రవారం హైదరాబాద్లో కేసు నమోదైంది. తెలంగాణ పోలీసులు ఎఫ్ఐఆర్ నమోదు చేశారు.
