Nayanthara birthday special: లేడీ సూపర్ స్టార్ నయనతార రక్కయీ అనే సినిమాలో మెయిన్ లీడ్ పాత్రలో నటిస్తోంది. ఈ సినిమాకి సెంథిల్ నల్లస్వామి దర్శకతం వహిస్తుండగా డ్రం స్టిక్స్ ప్రొడక్షన్, మూవీ వెర్స్ ఇండియా బ్యానర్ల పై సంయుక్తంగా నిర్మిస్తున్నారు. తమిళ్ ఫేమస్ మ్యూజిక్ డైరెక్టర్ గోవింద్ వసంత్ మ్యూజిక్ అందిస్తున్నాడు. సోమవారం నయనతార పుట్టిన రోజు కావడంతో ఈ సినిమా టైటిల్ మరియ టీజర్ ని రిలీజ్ చేయగా అద్భుతమయిన రెస్పాన్స్ వస్తోంది.
అయితే ఈ టీజర్ లో నయనతార చిన్న పాప తల్లి పాత్రలో కనిపించింది. అలాగే పల్లెటూరి మహిళగా ఫైట్ సన్నివేశాలలో అదరగొట్టింది. అయితే ఈ పోస్టర్ లో నయనతార మరణయుధాలను చేతబట్టుకుని వైల్డ్ గా కనిపించింది. ఈ టైటిల్ పోస్టర్, టీజర్ ని సోషల్ మీడియాలో నయనతార షేర్ చేసింది.
ఈ క్రమంలో "న్యాయం జ్ఞాపకంగా మాత్రమే దేశంలో అక్కడ ఒక తల్లి నివసించేది. ఆమెకి తన బిడ్డే ప్రపంచం. అయితే తన కూతురి ప్రాణాలకు ఓ రాక్షసుడు ముప్పు వాటిల్లినప్పుడు... ఆమె పారిపోదు... కుంగిపోదు... బదులుగా, యుద్దం చేస్తుందని ఈ క్యాప్షన్ పెట్టింది. అలాగే ఈ సినిమాని తెలుగు, తమిళ్, మలయాళం, హిందీ తదితర ప్యాన్ ఇండియా భాషలలో రిలీజ్ చేస్తున్నట్లు చిత్ర యూనిట్ తెలిపారు. ఎప్పుడూ సాఫ్ట్ ఓరియెంటెడ్ పాత్రల్లో కనిపించే నయనతార ఈసారి వైల్డ్ గా కనిపించడంతో సినిమా ఇంట్రెస్టింగ్ గా ఉంటుందంటూ నెటిజన్లు కామెంట్లు చేస్తున్నారు. అలాగే నయనతారకి బర్త్ డే విషెస్ చెబుతున్నారు.
ఈ విషయం ఇలా ఉండగా నటి నయనతార ఈ మధ్య భాషతో సంబంధం లేకుండా బాలీవుడ్, కోలీవుడ్, టాలీవుడ్ అంటూ వరుస ఆఫర్లు దక్కించుకుంటోంది. కాగా ప్రస్తుతం 5 సినిమాల్లో మెయిన్ లీడ్ పాత్రల్లో నటిస్తోంది.
