రీ థింకింగ్ సోషల్ సేఫ్టీ నెట్స్ ఇన్ ఏ చేంజింగ్ సొసైటీ పేరుతో నేషనల్ కౌన్సిల్ ఆఫ్ అప్లయిడ్ ఎకానమిక్స్ రీసెర్చ్ ఒక అధ్యయన పత్రాన్ని విడుదల చేసింది. సోనాల్డే దేశాయ్ ఈ పత్రాన్ని రూపొందించారు.
- ఇండియా హ్యూమన్ డెవలప్ మెంట్ సర్వే ఇటీవల పూర్తి చేసిన వేవ్ 3తోపాటు గతంలోని వేవ్ 1, 2 డేటాను ఈ పత్రం రూపొందించేందుకు వినియోగిస్తారు.
- దేశంలో పేదరికం తగ్గిందని ఆర్థిక మేధో సంస్థ ఎన్సీఏఈఆర్ విడుదల చేసిన అధ్యయన పత్రంలో వెల్లడించింది.
- 2011–12లో దేశంలో 21.2 శాతం పేదరికం ఉండగా, 2022–24 మధ్య 8.5 శాతానికి పరిమితమైందని పేర్కొంది.
- కొవిడ్ వంటి పరిణామాలు ఎదురైనా ఆ సవాళ్లన్నింటినీ తట్టుకుని దేశం ప్రగతిపథంలో ముందుకెళ్తున్నదని తెలిపింది.
- ఐహెచ్డీఎస్ గుర్తించిన దాని ప్రకారం 2004–05లో దేశంలో పేదరికం 38.6 శాతం ఉండగా, 2011–12 నాటికి 21.2 శాతానికి తగ్గింది. ఒకవైపు కొవిడ్ సవాళ్లు ఎదురైనా 2011–12 నుంచి 2022–24 నాటికి 8.5 శాతానికి పరిమితమైంది.
- 2024 ప్రారంభంలో నీతి ఆయోగ్ సీఈవో బీవీఆర్ సుబ్రహ్మణ్యం కూడా వినియోగదారు వ్యయ సర్వే ప్రకారం దేశంలో పేదరికం 5 శాతం వరకు తగ్గి ఉంటుందని, గ్రామీణ, పట్టణ ప్రాంతాల్లో ప్రజలు సుభిక్షంగా మారుతున్నారు.
