- ఈ సారి 17 మందికే టాప్ ర్యాంక్
- సవరించిన స్కోర్కార్డ్స్రిలీజ్ చేసిన ఎన్టీఏ
న్యూఢిల్లీ: దేశవ్యాప్తంగా మెడికల్ కాలేజీల్లో ప్రవేశాల కోసం నిర్వహించిన నీట్యూజీ– 2024 రివైజ్డ్ ఫలితాలు విడుదలయ్యాయి. సుప్రీంకోర్టు ఆదేశాల ప్రకారం.. సవరించిన ఫలితాలను నేషనల్ టెస్టింగ్ ఏజెన్సీ (ఎన్టీఏ) గురువారం రిలీజ్ చేసింది. ఫలితాలను ఎన్టీఏ అధికారిక వెబ్సైట్ లో పొందుపర్చింది. ఫిజిక్స్లోని ఒక ప్రశ్నకు సంబంధించి ఒక ఆప్షన్ను ఆన్సర్గా గుర్తించిన వారికి మాత్రమే మార్కు ఇవ్వాలని సుప్రీంకోర్టు తీర్పు చెప్పింది.
దీంతో తాజాగా విడుదల చేసిన స్కోర్‌‌‌‌కార్డ్ లో ఈ సర్దుబాటు కార‌‌‌‌ణంగా దాదాపు 4.2 లక్షల మంది విద్యార్థుల స్కోర్ మారింది. ఒక్కొక్కరూ ఐదు మార్కుల చొప్పున కోల్పోవాల్సి వచ్చింది. టాప్ ర్యాంక్ సాధించిన వారి సంఖ్య 17కు తగ్గింది. నీట్ యూజీ పరీక్షలో ప్రతి తప్పు సమాధానానికి 5 మార్కుల కోత ఉంటుంది.
ఆ ప్రశ్నకు ఆ ఆప్షన్ పెట్టినోళ్లకే మార్కు..
ఫిజిక్స్లోని ఒక ప్రశ్నకు ఎన్సీఈఆర్టీ 12 వ తరగతి పాత సిలబస్ ప్రకారం ఆన్సర్ చేసిన వారికి ఎన్టీఏ అదనపు మార్కులు కలిపింది. అయితే, సుప్రీంకోర్టులో నీట్ వ్యవహారంపై విచారణ సందర్భంగా ఫిజిక్స్ విభాగంలో 29వ ప్రశ్నకు ఒకటి మాత్రమే సరైన సమాధానం అయినప్పుడు.. రెండు ఆప్షన్స్ ఎంచుకున్న విద్యార్థులకు ఎన్టీఏ అదనపు మార్కులు కలిపిందని ఓ పిటిషనర్‌ బెంచ్ దృష్టికి తెచ్చారు.
దీంతో నిపుణులతో కమిటీ వేసి, మరుసటి రోజు మధ్యాహ్నానికి ఆ ఫిజిక్స్ ప్రశ్నకు సరైన ఆన్సర్కు సంబంధించిన నివేదికను సమర్పించాలని ఐఐటీ ఢిల్లీని ఆదేశించింది. ఐఐటీ ఢిల్లీ నివేదిక ప్రకారం ఆ ప్రశ్నకు 4వ ఆప్షన్ సరైన ఆన్సర్గా కోర్టు తేల్చింది. ఆప్షన్ 4ను ఆన్సర్గా ఎంచుకున్నవారికే మార్కు ఇవ్వాలని, మిగతా వారి మార్కులను కట్ చేయాలని ఆదేశించింది. అలాగే, పరీక్షను రద్దు చేసి, మళ్లీ నిర్వహించాలని దాఖలైన పలు పిటిషన్లు సుప్రీంకోర్టు కొట్టివేసింది.
నీట్ పేపర్ లీక్ కేసు.. చెరువులో 16 ఫోన్లు
నీట్ ఎగ్జాం పేపర్ లీక్ కేసులో కీలక నిందితుడు జార్ఖండ్లోని ధన్బాద్కు చెందిన అవినాశ్ అలియాస్ బంటికి సంబంధించిన 16 ఫోన్లను ఓ చెరువులో నుంచి సీబీఐ స్వాధీనం చేసుకున్నది. అతడిని పాట్నా సీబీఐ కోర్టు ఎదుట బుధవారం హాజరుపర్చింది. విచారణ నిమిత్తం బంటిని జులై 30 వరకు కోర్టు సీబీఐ కస్టడీకి అప్పగించింది.
