- దేశమంతా ఒకేరోజు ఒకే షిఫ్ట్లో వైద్య విద్య ఎంట్రెన్స్ టెస్ట్
- ప్రకటించిన కేంద్ర సర్కారు
న్యూఢిల్లీ: దేశవ్యాప్తంగా వైద్య విద్య కోర్సుల్లో ప్రవేశానికి నిర్వహించే నీట్ యూజీ–2025 పరీక్షను పెన్ అండ్ పేపర్ (ఓఎంఆర్) పద్ధతిలోనే నిర్వహించాలని కేంద్రం నిర్ణయించింది. దేశమంతా ఒకేరోజు ఒకే షిఫ్ట్లో ఎగ్జామ్ ఉంటుందని ప్రకటించింది. కేంద్ర విద్య, ఆరోగ్య శాఖలతో చర్చించిన తర్వాతే ఈ నిర్ణయం తీసుకున్నట్టు వెల్లడించింది. ‘‘నేషనల్ మెడికల్కమిషన్ (ఎన్ఎంసీ) నిర్ణయం ప్రకారం.. నీట్ యూజీ –2025ను ఓఎంఆర్ పద్ధతిలో నిర్వహిస్తాం.
ఒకే రోజు.. ఒకే షిఫ్ట్లో పరీక్ష ఉంటుంది” అని నేషనల్ టెస్టింగ్ ఏజెన్సీ (ఎన్టీఏ) సీనియర్ అధికారి తెలిపారు. కాగా, 2024లో మొత్తం 24 లక్షల మంది ఈ పరీక్ష రాశారు. నిరుడు పేపర్ లీక్ల నేపథ్యంలో ఈసారి పరీక్షను కంప్యూటర్ బేస్డ్ టెస్ట్ విధానంలో నిర్వహించే అవకాశాలున్నట్టు ఇదివరకు కేంద్ర విద్యా శాఖ మంత్రి ధర్మేంద్ర ప్రధాన్ తెలిపారు. కస్తూరి రంగన్‌ ఆధ్వర్యంలోని నిపుణుల కమిటీ సైతం ఆన్‌‌‌‌లైన్‌ విధానంలో నీట్ నిర్వహించాలని సిఫారసు చేసింది. అయితే, తాజాగా జరిగిన చర్చల తర్వాత ఓఎంఆర్ పద్ధతికే మొగ్గు చూపడంతో.. పాత పద్ధతిలోనే నీట్ యూజీ 2025 ఉంటుందని ఎన్టీఏ వెల్లడించింది.
