బెల్లంపల్లి రూరల్, వెలుగు : నెన్నెల మండల కేంద్రంలోని గోలం లక్ష్మీ పేరటిలో గోడ పక్కన సోమవారం కొండ చిలువ ప్రత్యక్షమైంది. 10 అడుగుల కొండచిలువను చూసి స్థానికులు భయాందోళన చెందారు. పెరటిగోడ పక్కన ఖాళీ సంచులు, చెత్తచెదారం ఉండటంతో పంచాయతీ కార్మికులు చెత్తను సేకరించి ట్రాక్టర్లో తరలిద్దామని సంచులను తీశారు. కింద కొండచిలువ కనిపించడంతో వెంటనే అటవీ అధికారులకు సమాచారం అందించారు. బెల్లంపల్లి నుంచి స్నేక్ క్యాచర్ దినేశ్ను పిలిపించి కొండచిలువను పట్టించారు. అనంతరం జోగాపూర్ అటవీ ప్రాంతంలో సురక్షితంగా వదిలిపెట్టారు. దీంతో అందరూ ఊపిరి పీల్చుకున్నారు.
