చిమటా రమేష్ బాబు హీరోగా నటిస్తూ దర్శకత్వం వహించిన చిత్రం ‘నేను కీర్తన’. రిషిత- మేఘన హీరోయిన్. ఈ మూవీ ఫస్ట్ లుక్, టీజర్ లాంచ్ ఈవెంట్‌‌కు అతిథులుగా హాజరైన దర్శకులు వీర శంకర్, యాటా సత్యనారాయణ, నిర్మాత ప్రసన్న కుమార్ సినిమా సక్సెస్ అవ్వాలని విష్ చేశారు. మల్టీ జానర్ చిత్రంగా దీన్ని రూపొందించినట్టు రమేష్ బాబు చెప్పాడు. అవకాశం ఇచ్చిన దర్శక నిర్మాతలకు థ్యాంక్స్ చెప్పింది రిషిత. నటులు విజయ్ రంగరాజు, జబర్దస్త్ అప్పారావు, సంగీత దర్శకుడు ఎం.ఎల్.రాజా, ‘ఎర్రచీర’ సుమన్ బాబు తదితరులు పాల్గొన్నారు.
