ఆసియా కప్ లో భాగంగా ప్రస్తుతం భారత్ తో నేపాల్ తలపడుతుంది. గ్రూప్ ఏ లో భాగంగా జరుగుతున్న ఈ మ్యాచ్ కి శ్రీలంకలోని పల్లెకెల ఆతిధ్యమిస్తుంది. గత శనివారం పాకిస్థాన్ తో మ్యాచ్ రద్దయిన నేపథ్యంలో ఈ మ్యాచ్ టీమిండియా ఖచ్చితంగా గెలవాల్సిన పరిస్థితి ఏర్పడింది. ఇదిలా ఉండగా.. ఈ మ్యాచ్ టాస్ తర్వాత నేపాల్ జట్టు టీమిండియా కెప్టెన్ రోహిత్ శర్మకి ఒక గిఫ్ట్ అందించాడు. నేపాల్ జెండాతో కూడియాన్ ఒక జ్ఞాపక చిహ్నాన్ని బహుకరించాడు. ఇది చూసిన ఇండియన్ ఫ్యాన్స్ నేపాల్ క్రికెట్ ఇండియాకి ఒక అరుదైన గౌరవాన్ని ఇస్తుందని వారి క్రికెట్ ఇంకా అభివృద్ధి చెందాలని శుభాకాంక్షలు తెలియజేస్తున్నారు.
నిలకడగా నేపాల్ బ్యాటింగ్..
టాస్ ఓడిపోయి బ్యాటింగ్ కి దిగిన నేపాల్ ఊహించని రీతిలో బ్యాటింగ్ చేస్తూ భారత బౌలర్లను కంగారు పెడుతుంది. దీనికి తోడు భారత ఫీల్డింగ్ వైఫల్యం నేపాల్ కి బాగా కలిసి వచ్చింది. మొదటి రెండు ఓవర్లలోనే విరాట్ కోహ్లీ, శ్రేయాస్ అయ్యర్ చాలా సింపుల్ క్యాచ్ లను జారవిడిచారు. దీంతో ప్రస్తుతం నేపాల్ జట్టు 17 ఓవర్లు ముగిసేసరికి 2 వికెట్లను 85 పరుగులు చేసింది. ఓపెనర్ కుషాల్ బ్రూటల్ 25 బంతుల్లోనే 38 పరుగులు చేసి ఔటవ్వగా.. మరో ఓపెనర్ అసిఫ్ షేక్ 36 పరుగులతో క్రీజ్ లో ఉన్నాడు. భారత బౌలర్లలో జడేజా, శార్దూలు ఠాకూర్ కి ఒక వికెట్ దక్కింది.
