- కాంగ్రెస్ గూటికి నేతి.. రాహుల్గాంధీ సమక్షంలో చేరిక!
- కట్టంగూరు, నకిరేకల్ ఎంపీపీలతో సహా పలువురు నేతలు ఢిల్లీకి
నల్గొండ, వెలుగు: శాసనమండలి మాజీ డిప్యూటీ చైర్మన్ నేతి విద్యాసాగర్ శుక్రవారం కాంగ్రెస్లో చేరనున్నారు. ఆయనతోపాటు నకిరేకల్ నియోజకవర్గంలోని కట్టంగూరు, నకిరేకల్ఎంపీపీలు బచ్చుపల్లి శ్రీదేవి గంగాధర్ రావు, జెల్లా ముత్తు లింగం తదితరులు గురువారం బీఆర్ఎస్కు రాజీనామా చేశారు. వీరందరూ శుక్రవారం ఢిల్లీలో రాహుల్గాంధీ సమక్షంలో పార్టీలో చేరనున్నట్టు తెలిసింది.
ఆయన బీఆర్ఎస్లోనే కొనసాగేందుకు మంత్రి జగదీశ్రెడ్డి ఆధ్వర్యంలో మంత్రి కేటీఆర్ను కూడా ఇటీవల కలిశారు. మూడోసారి అధికారంలోకి వస్తే మళ్లీ ఎమ్మెల్సీ పదవి ఇస్తామని కేటీఆర్ హామీ ఇచ్చినట్టు ప్రచారం జరిగింది. ఎమ్మెల్సీ పదవీకాలం పూర్తయ్యాక మళ్లీ కొనసాగిస్తారని అనుకున్నారు. కానీ, సీఎం అపాయిట్మెంట్ ఇవ్వడానికి నిరాకరించడంతో అప్పటి నుంచి విద్యాసాగర్ బీఆర్ఎస్ కార్యక్రమాలకు దూరంగా ఉంటున్నారు.
స్థానిక ఎమ్మెల్యే చిరుమర్తి లింగయ్యతో రాజకీయ వైరుధ్యం ఆయన్ని మరింత కలిచివేసింది. ఎంపీ కోమటిరెడ్డి వెంకటరెడ్డితో పాటు కాంగ్రెస్లోని పలువురు పెద్దలతో చర్చలు జరిపిన అనంతరం విద్యాసాగర్ కాంగ్రెస్లో చేరాలని నిర్ణయించుకున్నారు.
