భద్రాద్రికొత్తగూడెం, వెలుగు: గ్రామ పంచాయతీ కార్మికుల సమస్యలను పరిష్కరించకుంటే వారి పోరాటాన్ని ప్రజా ఉద్యమంగా మారుస్తామని వామపక్ష పార్టీల రాష్ట్ర నేతలు హెచ్చరించారు. ఇదే విషయంపై డిమాండ్చేస్తూ సీపీఐ, సీపీఎం, సీపీఐ ఎంఎల్ప్రజాపంథా, న్యూడెమోక్రసీ ఆధ్వర్యంలో కార్మికులు కలెక్టరేట్ఎదుట ధర్నా చేశారు. ఈ సందర్భంగా సీపీఐ రాష్ట్ర కార్యదర్శి కూనంనేని సాంబశివరావు, సీపీఎం రాష్ట్ర కార్యదర్శి వర్గ సభ్యులు పోతినేని సుదర్శన్రావు, ప్రజాపంథా జిల్లా కార్యదర్శి కెచ్చెల రంగారెడ్డి, న్యూడెమోక్రసీ జిల్లా కార్యదర్శి ఆవునూరి మధు, సీపీఐఎంఎల్న్యూడెమోక్రసీ జిల్లా కార్యదర్శి ఎల్. విశ్వనాథం మాట్లాడారు.
గ్రామీణ ప్రాంతాల్లో అవార్డులు రావడంలో కీలకపాత్ర పోషించిన జీపీ కార్మికుల సమస్యల పరిష్కారంలో ప్రభుత్వం నిర్లక్ష్యం చేస్తోందని ఆరోపించారు. 26 రోజులుగా కార్మికులు సమ్మె చేస్తున్నా సీఎం కేసీఆర్పట్టించుకోకపోవడం దారుణమన్నారు. వారిని పర్మినెంట్ చేయాలని, కనీస వేతనం ఇవ్వాలని డిమాండ్చేశారు. అనంతరం కలెక్టర్ప్రియాంక అలాకు వినతిపత్రాన్ని అందించారు. ప్రోగ్రాంలో మాజీ ఎమ్మెల్యే గుమ్మడి నర్సయ్య, పార్టీలు, కార్మిక సంఘాల నేతలు ఏజే. రమేశ్, యూసుఫ్, అన్నవరపు కనకయ్య, సాబీర్ పాష, బ్రహ్మచారి, గుత్తుల సత్యనారాయణ, యాకూబ్షావళి, మధుసూదన్రెడ్డి, జగతి వెంకన్న, జాడి సురేశ్ పాల్గొన్నారు.
