వాషింగ్టన్: అమెరికా అధ్యక్షుడు ట్రంప్ను విమర్శిస్తూ డెమోక్రటిక్ పార్టీకి చెందిన న్యూజెర్సీ సెనేటర్ కోరి బూకర్ నాన్ స్టాప్గా 25 గంటల 5 నిమిషాల పాటు స్పీచ్ ఇచ్చారు. సెనేట్లో అతిపెద్ద స్పీచ్ ఇచ్చిన వ్యక్తిగా బూకర్ చరిత్ర సృష్టించాడు.
ట్రంప్ అధికారంలోకి వచ్చాక చేపట్టిన ఆర్థిక సంస్కరణలపై తన ప్రసంగం ద్వారా ఆగ్రహం వ్యక్తం చేశాడు. ట్రంప్ పాలసీలు, టారిఫ్లను కోరి విమర్శించాడు. డిపార్ట్మెంట్ ఆఫ్ గవర్నమెంట్ ఎఫిషియెన్సీ (డోజ్) చేపట్టిన ఉద్యోగాల కోతలు, ప్రభుత్వ సేవల నియంత్రణపై విమర్శలు గుప్పించాడు. కాగా, గత సోమవారం సాయంత్రం 6.59 గంటలకు తన స్పీచ్ను ప్రారంభించి.. మంగళవారం రాత్రి 8.05 గంటలకు ముగించాడు.
